روحي وتجي العافية..


صدقيني أنا حاسة بإحساسك لأن طليقي تزوج وأنا لأ... بس أرفع رأسي وأمشي بالدنيا بثقة... لأني عارفة نفسي وواثقة منها... أنتي مو محتاجة لرجل عشان ترفعين رأسك...مو محتاجة تتزوجين عشان تثبتين إنك إنسانة محترمة!

إيمانك وعزة نفسك وروحك الأبية اللي ترفض الغلط هي اللي بترفع رأسك...


روحي وخليك طول الوقت رافعة رأسك... أصحك تنزلينه لو شوي... طول ما أنتي رافعة راسك فوق وشادة ظهرك ما راح تتذكرين أي موقف سيئ...وجربيها هالحين... لكن لو أرخيت كتوفك ودنقتي... كل المشاعر السيئة بتجيك بسهولة...


بعدين مو هم جيرانكم... طيب ما فكرتي وش بيقولون عنك إذا شافوك ما جيتي للصلاة.... صلاة العيد حتي الحائض تحضرها...
أكيد بيقولون مسكينة أنكسرت...

روحي لنفس المسجد وصلي وأحضري الخطبة ولا علي بالك... ولا تحطين ببالك إن اللي أتزوج أسرع بعد الطلاق هو الأصلح... بالعكس ممكن يكون هو الطرف المتسرع المتهور...


روحي وتجي العافية... أسأليني أنا! بالعكس بتفرحين كثير وبتحبين نفسك أكثر لما تتخطين الموقف بنجاح...


وش اللي يقهرك؟ من اللي عاف الثاني؟ من اللي ما يفكر يرجع للثاني؟ أنتِ ولا هو؟!
لو جاوبتي علي هالأسئلة بتعرفين من اللي المفروض ينكسر أنتِ ولا هو...

حتي لو إنه تزوج... أنتِ عارفة نفسك وإمكانياتك وعارفته وإمكانياته...

الله يسعده ويبعده...

والله سبحانه وتعالي يقول: (وإن يتفرقا يغن الله كلاً من سعته)

والله سبحانه وتعالي لا يخلف وعده...


أنتِ شجاعة... ولم تصومي كل رمضان وتتعبدي حتي تفوتي يوم إستلام الجوائز!