أختي الغالية العزيزة

أنا كتير متعاطفة مع قصتك لإني عشت نفس تجربتك مع خطيبي

أنا حابة إلك شي ما تخلي حبك يطغى على عقلك

فكري كتير منيح وحاولي تكتشفي إذا كان عنجد بحبك ولا عميضحك عليكي !!!!!!

إنت قلت إنو هو أكبر منك بكم شهر فقط وهو هلأ عمرو 20 سنة بس وكمان إلتي إنو ضل بحبا 3 سنين يعني كان عمرو تقريبا 17 أو أقل !!!!!

سدإيني هادا كلو حب مراهقة وبحب إلك إنو خطيبك لهلأ مراهق ويمكن كان طيش شباب بس

حبيبتي الغالية ما تخلي أبدا يحكيلك عنا وعن حبو لإلا ما تعملي غلطتي أنا اتصوري إنو كان حابب يوريني صورتا !!!!!

بتعرفي شو كنت حس

كنت حس بمذلة وضعف وقهر وكنت أبكي لحالي بحرقة لإني سمحت لنفسي إنو إسمعو وإسمع قصة حبه

أنا مالي حابة زعلك أو إلك انفصلي عنو

أنا بدي ياكي تخلي ما يحكيلك أبدا ولا كلمة عنا ... إنتي لست أداة لحتى ينسى حبيبتو القديمة ولست مضطرة إنك تنسيه ياها وين راحت كرامتك ومعزتك !!!!!

هو من الوقت الذي خطبك فيه كان لازم يرمي كل شي خلفه ويفتح معك صفحة جديدة وفي حال ذكر شي عن ماضيه يذكره بكل اختصار لحتى يكون عندك بس خلفية مو لحتى يرجع يتذكر آلامه !!!!!

حاولي معو بهالأمر وإذا ضل مصر على موقفو انفصلي عنو وسدإيني الله رح يبعتلك أحسن منو ويرزقك بإنسان يقدرك ويعرف قيمتك

أما بالنسبة للكلام الكبير بحب إلك إنو أهم شيء بين المرأة والرجل هو الإحترام حتى لو ما كان في فرق كبير بالسن

ما تزعلي مني حبيبتي

سدإيني أنا حاسة إني عمبحكي عن حالي

نفس الشيء صار معي بالظبط بس الحمد الله أنا ما استمريت معو وعايشة حياتي على أمل الله يزقني بالزوج الصالح

الله يهديلك بالك ويوفإك فكري كتير منيح وما تتسرعي أبدا