اختي ام سعود حياك الله و قرأت قصتك بتمعن شديد و هذه وجهة نظري
اقتباس:
|
المشاركة الأصلية كتبت بواسطة روح الغالي
أخوي ماجد الله يسعد ايامك
انا قصتي بأقولها برحابة صدر لأني ماخسرت هو اللي خسر
اتخطبت لولد خالي وهو كان يتيم الأب خطبني اول مره ورفضته والسبب اني اعتبره مثل أخ واحنا مانبغا اقارب
رغم ان امي كانت متحمسه له
خطبني ثاني مره ورفضت
بعدها سافرت لأمريكا 6 اسابيع وخلال هذي الست اسابيع وانا اشوفه بمنامي
المهم لما رجعنا مجرد وصولي للرياض ثاني يوم جا وطلب ايدي للمره الثالثه
بصراحه ارتحت ووافقت
|
اختي ام سعود انا برأيي كونه قريب لك ليس سببا كافيا لرفضك له
اقتباس:
|
المشاركة الأصلية كتبت بواسطة روح الغالي
اختي اللي اكبر مني ماكان عاجبها الولد
والباقين مأيدين
سألت أخوي اللي اكبر مني اللي هو صاحبه قلت له ايش رايك بفلان ؟
قال من اي ناحيه؟ قلت يستاهلني<<<<<<<<<<<<<<واثقه من نفسي وبقوه
قال اذا من ناحية يستاهل مافي أحد يستاهلك
عاد ان بعدها وافقت
جات الشوفه ووافقنا دارت بينا اول مكالمه للتعارف
وتمت الخطبه( الشبكه)
وبعدها اخوي الكبير قابله عشان امور الزواج
قاله اخوي المهر اللي تقدر عليه عشان اختي بتتجهز لك
والفرح مانبغا نبغاه عائلي
وشرطنا الوحيد بيت شرعي....... ويفضل عشان ترتاح من روحات كليتها ومكاتبها يكون قريب من بيت اهلي عشان السواق ياخذها ويرجعها
الرجال وافق مهر على كيفه وبيت شرعي بس<<<<<<<<<<<<مين قده في احسن من كذا
|
ماشاالله اهلك ماقصروا معه ونادرا تلقى اهل زي كذا هالوقت وصدقيني المسأله مو ماديه لاكن انا او اي خاطب لو بيخطب بنت وبيقولوله اهلها زي كذا بعرف ان معدنهم اصيل
اقتباس:
|
المشاركة الأصلية كتبت بواسطة روح الغالي
المهم دارت مكالمااااااااااااااااااااااااااااااااااااااااااااا ااااااااااااااااااااااااااااااااااات كانت فاتورتي 3000 ريال وزياده
الموضوع كله اخذ شهرين
اتفقنا على اننا نتزوج من غير شهر عسل من غير فرش البيت يادوب غرفة النوم والمطبخ وبعدين حبه حبه نفرش البيت
خلال هذه المكالمات مشاكلنا حول البيت مره يقولي خلينا بإسكان الخرج ومره يقولي طيب بأدور في حارتكم
ومره يقولي خلينا جنب عملي
(المشكله عمله في الغرب وبيت أهلي بالجنوب وبيتنا في الشرق وكليتي في الشمال)
طلبت منه ياأكون جنبك وقريبه من عملك بحيث اذا حصل شيء لاسمح الله
او اكون قريبه من اهلي)
طبعا هو في تردد شيء موطبيعي مره طيب ومره لأ وعلى هذي الحاله
|
انا صراحه ضد المكالمات الكثيره اثناء الخطبه لانها تفتح ابواب مسكره
وانتي مشالله عليك تنازلتي عن شهر العسل وكثير من اثاث البيت وهذا بادره جدا ممتازه منك انك قدرتي ظروفه
بخصوص السكن هذا عذر واهي وشفيها لو سكن بعيد شوي عن عمله
يعني زياده هالعشر دقايق في طريق الدوام بتأثر عليه
اختي في شباب اعرفهم يداومون خارج منطقة الرياض وبيوتهم بالرياض علشان مايبغون يسكنون زوجاتهم في مناطق بعيده
اختي ام سعود هالسبب ضعيف جدا وكان بالامكان حله بكل سهوله لو امتلك خطيبك التروي والحكمه
والتضحيه لها دور في هالموقف كان امكن انه يضحي علشانك في هالنقطه
اقتباس:
|
المشاركة الأصلية كتبت بواسطة روح الغالي
شوي شوي بديت اسمع اهلي انهم مو مرتاحين له واني انا تغير حالي<<<<<<<<<طبعا اسمع من غير مايدروا
وفي يوم كنا متفقين ورايقين وقلت له كلم اخوي وخليه يروح معاك على العقارات لأنه دوبه متزوج
قالي طيب وجا العصر وانا كنت بغرفتي
وماأدري الا البيت كله امتلأ
اختي الكبيره المتزوجه واخوي
ويومتها كنت صايمه الأثنين
ونادوني وقالوا لي تعالي
طبعا انا جلست مع اخواتي____ وامي مره تجلس عنده هو واخوي وشوي تجي عندي
وماأسمع الا صوته يصارخ ويعصب وينافخ على اخوي انه لازم اسكن معاه في اسكان الخرج وطلع وصفق الباب بوجه اخوي انا في ذيك اللحظه قمت افطر واسمع صوته
والله العظيم اني احط التمر بفمي ويدي ترتعش ودموعي تنزل
المهم ناداني اخوي الكبير
وقالي اجلسي
قلت ماني جالسه ابغا افطر في شي
قال اجلسي
قلت ماابغا
قالي: كم مقاس دبلتك؟
والله العظيم فصختها من يدي واعطيته
وضمني اخوي على صدره وقالي الله يعوض عليك
ورحت للمطبخ اكمل فطوري بكل برود
وتجي عندي اختي الكبيره تبكي ومعصبه
انه مايستاهلني همه الفلوس احنا ايش طلبنا منه كلها بيت
المهم طلعت لغرفتي وانا هاديه
وهو يدق على جوالي ويدق ويدق ويدق
مايعرف اني فصخت الدبله
المهم انا طلعت البنك صرفت خمس ألاف ريال اعطيت امي واعطيت اخوي واعطيت اختي
وكلمت بنت خالتي قلت لها قومي ابغا اشتري جوال جديد تراني فصخت خطوبتي
ماصدقتني
ولما رحت عندها امي اتصلت عليه وقالت لي ولد خالك اتصل يبغا يكلمك ردي عليه اخر مررره
المهم رديت
جلس يهزأني ويراهني وحركات واحد غير ناضج وخيرني أما اختاره في بيته اللي يسكن فيه او اختار اهلي
قلت له وبكل ثقه اختار اهلي
طبعا سكر بوجهي
انا طنشت
لما رحت لمحل الجوالات والله العظيم اشتريت جوال ماأدري كيف شكله ودفعت الفلوس
ولما رجعت البيت رميت الجوال في الغرفه ولا فتحته
بالله في احد يشتري جوال جديد وما يفتحه
ثاني يوم رحت الكليه وهناك انهرت بالبكاء وماقدرت ادخل اي محاضره
ولما رجعت قلت لأختي انا موعاجبني الجوال ابغا اغيره
ضحكت وقالت لي انا كنت حاسه فيك
ورحت غيرت جوالي
وكل عام وانت بخير
ايش رايك بقصتي
وايش رايك بالعروس اللي تنازلت كثير وفي الأخير ماقدرها
وربي يسعدك اخوي ماجد ويسعدك الجميع ويارب ربي يعوض علينا اجمعين
|
والله اختي واضح انه خطيبك عنده اضطراب بالشخصيه وغير واثق من نفسه ومتهور
والرجال اللي زي كذا ترى ينعاف
ولو حصل واخذتيه صدقيني بيدهور عيشتك لانه اصلا مو واثق من نفسه
والرجل الحقيقي لازم يتحلى بالعقلانيه بهالمواقف
وكونه تتهاوش مع اخوك ببيتكم ويصارخ وتهاوش معك بالله فيه انسان عاقل يسوي كذ(يعني بياخذك بالغصب ) وش هالتفكير
اذا انتما اهلك ماحترمهم وقت الخطوبه اجل شلون بيحترمهم اذا تزوجك
هالحركات صدقيني ولا مراهق يسويها
احمدي ربك واشكريه انك افتكيتي منه
وربي بيعوضك بانسان افضل منه وتذكري كلامك
لانك ببساطه تستاهلين كل خييييييييييييييييييييييييييير
__________________
عذراً ، الصورة الرمزية مخالفة ولابد من تغييرها حتى تستمر فاعلية العضوية
الادارة
التوقيع
