الموقف اللي ما انساه
هو عندما تقدم لي واحد وكان عمري 28 سنة وهو اكبر مني بسنة واعزب
وافقت واهلي وافقوا خاصة اني قربت من سن الثلاثين وزين تقدم لي اعزب
وحددنا موعد الملكة( كتب الكتاب)
ودقوا اهلي يبشرون ناس من اهلنا بخطبتي وكأن الزواج خلاص تم
لكن الله يسامح اللي كان السبب اثروا على اهلي الى ان غيروا رايهم
ودقوا على المعرس يبلغونه رفضهم
المعرس جن جنونه
رفض هالشي
شلون توافقون وتخلونا نبشر الناس ونحدد موعد الملكة وقبلها بيومين تبلغونا رفضكم مع انكم موافقين من قبل
وشنو السبب
انا كنت قبلها مشغولة بالتجهيز للملكة من صالون وفستان سهرة وهالسوالف
واهلي ما ينادوني الا بالعروس
صج كنت فرحانه
كانت الدنيا لها طعم غير
لكن قبل الموعد بيومين
بلغوني ان الموضوع تفركش
وحاولوا يقنعوني بالسبب
( اعتذر عن ذكر السبب )
ما ناقشتهم بالموضوع
لاني كنت منصدمة وكنت على وشك البكاء
على طول دخلت غرفتي ونزلت الدموع
واردد ( الله يسامحكم يا اهلي - منو راح يخطبني بهذا العمر الا متزوج وما صدقت ان يخطبني اعزب)
من كثر البكاء والزعل كنت راح اشق ثوب السهرة اللي شريته