أخوي الله يسعدك وكل عام وانت بخير
بصراحه انا ملاحظه هذي المشكله في كثير من الخطاب
النوع الأول:
(اعرف وحده خطيبها كل يوم معاها يوديها العمل ويرجعها وووووو
وكمان زعلان مايبغاها تخرج مع اهلها او تستقبل احد او تتزاور يقولها انا ماشبعت منك)
هنا المشكله انه متعلقه فيها ويبغا يتملكها
وفي نوع:
هي تتهرب منه وماتعطيه فرصه ولاهي اصلا تستمع بهذي الأيام
مثل مشكلتك اخوي
عاد تبغا رأي اكسبها واغلبها بطيبك وحلمك
خليها براحتها هي قالت لك ساعتين روح لها واجلس ساعه واطلع وقول لها عشان يمديك تستعدي تروحي تعايدي
وان شاء الله تنبسطي وانا كمان معزوم مع الشباب اليوم
بينا اتصال
وخذها برحابة صدر ولا كأنك متحسس ولا فيه شي اصلا وفعلا اطلع مع الشباب وهيص
وقبل لاتسافر بوقت بسيط يعني ساعتين دق عليها وقولها انا عند الباب انزلي الأن بسرعه . اذا قالت كاني ماني
قولها تعالي ماني مطول بأروح انا مستعجل كمان
ولما تنزل وقالت لك ادخل قول لأ انا مستعجل واذا احد من اخوانها قالك ادخل قول لا انا مستعجل ومن عند الباب سلم
عليها وقدم لها هديه بسيطه(عشان تفتكريني فيها) ا وممكن مبلغ بسيط ( وقولها عشان اذا اشتهيتي شي نفسك فيه)
وقبل راسها وقولها انتبهي على نفسك اذا بغيتي حاجه اتصلي عليه وطمنيني عنك حبيبتي.
واطلع على طول.
اذا تعرف مكان سفرهم ومكان قريب ويمديك تسافر
روح لهم فاجأها بس بشرط اخر يومين من رجعتهم
وقولها انت فينك انزلي بسرعه طبعا هي مارح تصدق انك بنفس المكان وسلم عليها وقولها ماقدرت انتظر الين تجي فجيت اسلم عليك وراجع
وفعلا لاتطول عشر دقائق وامشي <<<<<<<طبعا اتفق مع واحد من اخوانها
وخليك بسيط جدا وطنش حركاتها
وشوي شوي تتعلق فيك وتشتاق لحركاتك الرومنسيه
واذا بدأ الدوام عادي جدا اول اجازه اسبوعيه
اتفق مع واحد من اخوانها انه يطلعها لك مفاجأه لها وبكذا تجلس معاك في مطعم ساعتين ورجعها للبيت
ويارب يسعدكم ويألف بين قلوبكم ويحنن قلبها عليك
اختك في الله
__________________
لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني
إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا