سلام عليك
شافاك الله وعافاك
معلهش أنا امرأه ومعرفش إذا كان نفس الأمر للست والراجل بس حبيت أحكي لك عن نفس الحاله مرت علي قبل ما أتجوز لعلي أخفف من قلقك الذي أراه في غير موضعه وأرجو من ربنا إنه يكون فعلا كده:
من حولي 4 سنين اكتشفت عقده في ثديي الايمن تحت الحلمه قليلا في اتجاه اليمين.. كان يوما أسودا لأني بمجرد ما لقيت العقده خلاص افتكرتها سرطان.. رحت للطبيبه كشفت علي وطلبت مني أعمل أشعه.. لما شافتها قالت لي دي حاجه عاديه جدا مجرد اختلال هرموني .. أعطتني دواء استمريت عليه بضعة أشهر لحد ما قلت لي هي بنفسها خلاص وقفيه.
بعد شوي حسيت إن العقده ظهرت من جديد (زي اللي عندك هي في الداخل يعني مش ظاهره بره) وساعات كان حجمها بيزيد وساعات بينقص بس المره دي حسيت بألم جامد عليها.. فقلقت من جديد وقلت مع نفسي أكيد الطبيه دي نصابه وكانت بتكذب علي وأكيد اللي عندي سرطان وهي ما قدرتش تتعرف عليه.. فرحت لطبيبه ثانيه وابتديت معاها مشوار جديد من الفحوصات والأدويه.. بس قالت لي نفس الشيء.. وقالت لي كمان إنه طبيعي جدا يجيلك الألم وتظهر العقده من حين للثاني لحد ما يبقى عندك طفل بيرضع.. فخلاص ساعتها بس ارتاحت نفسيتي
أتمنى أكون أفدتك بشيء وأنصحك أولا بتصفح النت دور في جوجل حتلاقي مواقع كثيره جدا ممكن تلاقي فيها كل الأعراض اللي عندك مع تشخيص الحاله.. دا طبعا عشان ترتاح نسبيا وتتعرف على حالتك أكثر.. بس برضه هذا لايغني عن استشارة الطبيب في أقرب وقت ممكن .. وإن شاء الله ربنا يطمن قلبك يارب ويشفيك من كل شيء