مممممممم
انا سبق وكتبت اللي صار
وحرجع اكتبه الحين
حملت بعد 3 شهور من زواجي
وكنت مبسوووووووووووطه بالمره
فترة حملي كانت جدا طبيعيه
تفاجأت في اخر موعد مراجعه ان الموعد اساسا هو موعد الولاده المحتمل
اول ما فتحت الممرضه الباب صاحت وفجعتني
ولااااااااااااااده
طالعتها بكل برود والتفت وراي
قلت
انا؟
قالت ايوه انتي ....ولاااااااااااااااااده <<<<<نفس الصيحه الاولى ما استوعبت وفرجت علي خلق الله
كل واحد مع زوجته وزوجي واقف وراي وكل الموجودين انفجعوا منها
طالعت فيها وايضا ببرود اكثر قلت:
مافيه ولاده
تحطمت المسكينه
وجات الدكتوره وبعد الفحص بالاشعه....تبين ان المشيمه بدأت تتكلس...صار فيها دوائر بيضاء شبهتها الدكتوره بقشور البيض المسلوق
قالت يعني اصبحت مناطق جافه وانعدم فيها الاوكسجين الضروري للولد...يعني عندي كسل في الرحم ولا بد من محفزات خارجيه للولاده
انا بديت اخاف....
بس طمنتني...قالت شي طبيعي وبعطيك محفزين طبيعيين للولاده
الاول زيت الخروع على لتر عصير مانجو
والثاني الجماع ان امكن
طبعا جماع ما قدرت والخروع شربته على العصير<<<<جد يا بنات بعد الولاده لقيت شعري من كثره ما اقدر اضمه بالمساكه....تقريبا سنه....
ما فاد يفتح الرحم....لان لقيت الدكتوره الرحم مقفل تماما ولا كأن فيه ولاده...مع اني تعديت التاسع باقل شي عشره ايام
رحت التنويم 12 بالليل
الساعه 6 صباح عطوني طلق صناعي
9 برد ولا كان شي صار ولا فتح ولا شي
جلست امشي مع زوجي في الممرات الى 12 الظهر
الين خلصت الدكتوره من شغلها وجات عندي
لقيت الرحم مقفل ....وانا منهكه من المشي ....ومافيني حيل لاي شي
عصبت وقالت اخر حل... انا افك ماء الرأس واذا ما فاد قيصريه
بمجرد ما هي فكت ماء الراس...انا دخلت عالم ثاني من الاوجاع اللي لا تطاق
صرت بس اصيح وابكي من الوجع.....
زوجي ما تحمل شكلي وطلع....
وحماتي جت.... قال بتساندني في شدتي....
بمجرد ما شافتني وصحت اغمى عليها....الله يسعدها طيبه....
تحفز الطلق وصار طبيعي
والممرضات ما قصروا
وبعد ثلاث ساعات من التعب .... والصياح....والاكسجين....والاغماءات اللي لا تقل عن خمسين مره من الوجع....والبكاااااء
دخلت غرفة الولاده
وخلال دقيقتين
شرف الوليد الله يحفظه ويرزقني بأخوه له
نمت بعد الولاده نومة ساعتين ما انساها من حلاوتها
وكانت العنايه فعلا فائقه ما شاء الله
والدكتوره اكثر من رائعه
لو غيرها كان مباشره قيصريه...بس الحمد لله الله ستر
__________________
[/IMG]
التعديل الأخير تم بواسطة مشكلتي اصدق ; 26-10-2006 الساعة 03:32 PM