انا بكلمك من ناحية رجل لو كان هو غلطان يمكن يكون زعلان ولازم احد يبدا فيكم بالكلام فلو اعرفه كلمته عشان يبدا بحركات انا اسويها لو صار خصام بس مدام انتي الموجوده بالمنتدى فأقولك لو كنت متخاصم مع زوجتي وش ودي يصير عشان نتكلم مع بعض


اكيد بيكون طالع من البيت في وقت ما

كشخي البيت على اكمل وجه جهزي نفسك له باحلى صوره جهزي له هدية عطر مثلا او سبحه حلوه او دهن عود او شماغ او اي شي حلو يخطر في بالك يعني يكون هدية والله لو نعول مايهم اهم شي تكون موجوده عندك قبل بيوم واذا طلع اكتبي بورقه زوجي العزيز والله احبك ولكن صار بيننا خلاف اتمنى تساعدني لكي يزول وشكرا
زوجتك المخلصه (..........)
واختميها بكلمة احبك وحطي الهدية بجنب الورقة وروحي انتظريه في الغرفه او خلي الورقة والهدية معك واذا دخل ابتسمي له شوي وعطيه الهديه لو كنتي معصبه بيبتسم معك وقولي ماصار زعل وعطيه الهدية وروحي للغرفه والله والله الا بيبتسم ويجيك انتي لاتتوقعي انه يجي اذا كانت نفسه في خشمه ولا ييجي خليه يجلس بالصاله يتفرج على التلفزيون اذا فتيه تاخر سوي نفسك تتعبثين بدروج غرفه النوم واطلعي من الغرفه وسوي له كاسه شاي او كوب عصير واجلسي معاه على على نور شمعه وطفي نور الغرفه والتلفزيون

ان شاء الله بينتي الخلاف واذا حسيتي انه انتهى الخلاف اجلي النقاش بالموضوع - اللي تخاصمتوا فيه - الى ثاني يوم بيتقبل الموضوع وبيعتذر لو كان غلطان


وفقكم الله لما يحب ويرضى

____________________

تم التعديل عشان هذي


نسيت اضيف ان الظرب غباء الرجل وصغر عقله ولا يحل شي بل يزيد المشكله

قولي له قل اللي تبي بس لاتظرب واذا ضربت مره ثانيه معناته انك ماتحبني وبعدين لاتوصلين اي موضوع للظرب يعني لو شفتيه بدا يعصب اسكتي ولا تردين عليه مهما قال لان والله ما اعرف السبب ولكن مايضرب الرجل من الباب للطاقه يفتح الباب ويظرب زوجته طوالي الا انه مهو صاحي اذا هو صاحي وزين معاك اجل المشكله فيك انتي اذا شفته معصب زودتي الكلام معاه او عليتي صوتك او رديتي عليه يمكن يكون غلطان في كلامه بس طنشي احسن من ان المشكله تكبر