الحرمان من الأبناء..
أعوضه أوأحاول أعوضه في عيال اخوي وعيال 2 من صديقاتي
الترفيه والطلعات والسفر..
احنا من الأساس مو متعودين على الطلعات لكن الحينبعد ماصارو خواني يسوقون صوت أقدر أطلع معهم أكثر من أول الحمد لله <<<لكن طبعاً ميزانية الطلعه علي وهذا اللي خلاني ما أطلع كثير لأني مو موظفه>>>
والسفر اروح مع أبوي الله يعافيه ويطول بعمره مايقصر ولو اني صرت احس اني مثقله عليه((لأسباب ماودي أذكرها)) فصرت ما أحب اقول له نبي نسافر أو أتشرط في السفره وأبوي عنده ان الوحده ماتعتب حدود السعوديه الا مع زوجها وهو يسفرنا في الداخل فقط..
الوحده والفراغ.
هذي هي اللي تجيب لي الحزن وضيقة الصدر ... ووقت ما أكون فاضيه أحس بالحرمان وأبدا أهوجس لكن أتعوذ من الشيطان وأحب أفتح المنتدى عشان ما أحس اني في الدنيا لحالي..
السكن..
أنا الحين ساكنه مع أبوي الحمد لله....
باقي نقطه أحب أضيفها وهي الصديقات لأني بجد فقدت صديقاتي ولو اني بديت أتأقلم لكن مو كثير لكن في شي أكرهه في كثير منهم انهم دائماً ينتظروني أنا اللي أدق وأسأل لأني بزعمهم فاضيه.. لكن هم مايفضون لي؟؟
أول كنت متعوده أشاور صديقتي في كل شي لما أكون مبسوطه أو متضايقه أما الحين معد صرت ألقاها وقت ما أحتاجها فتعودت اني أفرح لوحدي وأزعل لوحدي حتى أحياناً أكون جايه من سفر أو مجاوبه في اختبار أنتظر أحد يسأل عني ما ألقى وهذا الشي زاد تعلقي بالله عز وجل لأنه هو الذي لايترك الانسان بل يزيد قرباً كلما اقتربت منه ومتى أردته وجدته ...
((على فكره أنا ما ألوم صديقاتي في انشغالهم لأني أعرف ان في الحياه أولوليات والزوج أولها لكن ألومهم إذا عاتبوني لو ما سألت بينما هم مايسألون عني))