اولا

الله يتمم لك حملك على خير ويرزقك الذريه الصالحه يارب ويقومك بالسلامه

بالنسبه لمشكله زوجك مع المطبخ لازم بالاول تقبلينها نفسيا

يعني هذا طبع زوجك لازم تتعودين عليه حاولي قدر الامكان تعلم الطبخ وانا معاك انه غثيث بعض الاحيان لكن وش تسوين من واجبك

مره بيطلع شين ومره ثانيه شين واكيد بالنهايه بيطلع زين

لاتستهين بالدعاء في مثل هذي الحاله
اذكر موضوع قرأته بالمنتدى ما اذكر عنوناه لكن اظنه الطبخ بالدعاء او شي زي كذا

عن وحده كانت مثل حالتك بالضبط وام زوجها فنانه بالطبخ مثل ام زوجك لكن استعانت بالله وصارت من اول ماتدخل المطبخ وهي تقرا قران وتستغفر طول الوقت لدرجه ان ام زوجها تقولها قولي لي ايش تسوين بالضبط من كثر مو اكلها رائع

تقدرين تبحثين عن القصه لو حبيتي تعرفينها

اما السوق

فهي مشكله كل الزوجات وتفاوت من وحده للثانيه

لكن بانصحك نصيحه لاتعودين زوجك على ان دائما تروحين السوق مع اهلك لانه مع العمر بيتعود على كذا وماعاد بيوديك لانه بيرتاح

الله يعنيك تروحين معه وتطنشينه اذا بدا الاسطوانه خليه يتكلم الى ان يتعب

ومره وعلى مره بيخف

كل الازواج كذا بالغالب

هذا الي عندي

الله يسير لك امورك

__________________

اللهم لك الحمد حتى ترضى ولك الحمد اذا رضيت ولك الحمد بعد الرضا

حمداًكثيراً طيباً مباركاً فيه كما ينبغي لجلال وجهك وعظيم سلطانك

اللهم بارك لي فيما رزقتني واجعله من عبادك الصالحين واحفظ ولدي من كل سوء ومكروه واجعله قرة عين لي ولوالده