بعد اربع ايام بالضبط رن جرس بيتنا في وقت متأخر يوم فتحت الشغاله الباب مالقت أحد ولقت كيس فيه أغراض وورقه مكتوب فيها أغراض خاصه لساره.
جابت الكيس وعطتني استغربت مين ارسلي هالكيس وايش اللي فيه؟
لقيت فيه دفتر وجنبه علبه صغيره.فتحت الدفتر لقيت مكتوب فيه كل المعلومات عني وعن أهلي ومكتوب في الصفحه الأخيره.
{اناحطيتك براسي ياساره.. انالما احط براسي شي لازم اوصله مهما يصير..اعتبريه تهديد.. وترا لوقفلتي جوالك مايهمني فيه مليون طريقه اوصلك فيها.. ومثل ماوصلت
لبيتكم أقدر أوصل لغرفتك واسحبك قدام أهلك لوأبي..وشوفي العلبه هذي ترى فيهاهديه لك.. فيهاحبوب ..حبوب مخدرات يعني لاتستغربين..هذي
الحبوب لو أبلغ الحين الشرطه انمسك ابوك وانسجن عشر سنين عالأقل..
ولو قهرتيني زياده حبه وحده احطها بسيارة ابوك ويروح فيها...افتحي جوالك وردي علي
اخذت العلبه ورحت ركض رميتها بالشارع.
ورجعت ارتجف لغرفتي وتلحفت من الخوف احس قلبي بيطلع.
طحت بيدين مجرمين يالمى.
فتحت جوالي إلاوهو يدق.
رديت
انا: نعم
++:هلا
انا:نعم اش تبي مني انت.
++:لاتتحديني
انا: اتحداك بإيش اصلآ ايش يعرفني فيك عشان اتحداك.
ساره: ....
لمى:اشفيك سكتي كملي وبعدين ايش قال؟
سالت دموع ساره بحرقه.
لمى: ايه كملي.