منتدى عالم الأسرة والمجتمع - عرض مشاركة واحدة - مساعدة الزوجة لوالدة الزوج؟!

02-11-2006, 03:54 PM

#10

Sun_of_me

قلب المنتدى النابض

تاريخ التسجيل: Sep 2006

المشاركات: 2,500

مش هقدر أفتيك و أقولك إذا كانت ملزمة و لا لأ دي بتختلف من مكان لمكان و من طبيعة لطبيعة بعيد طبعاً عن الأوامر الإلهية -لأن مش في أي شئ في الكتاب أو السنه يؤمر الزوجه إنها تخدم أهل الزوج ، هيه مأمورة بخدمته هو بس

لكن أفتكر إنك طلبت منها الطلب ده في وقت غير مناسب ،،، هيه قاعده مع أمها و أخواتها و أهلها .. تخيل إذا كانت هيه قاعده القاعده دي و انت قلتلها يالله علشان نروح البيت شوف هتكون ماشية و هيه مدايقة قد إيه لأنها مروحة و هتبعد عنهم ،، مابالك بقه لما كمان سيبي زيارة أهلك و روحي ساعدي أمي في البيت .. حاسة إنها صعبة حبتين ، و كمان واضح إنها مش معزومة (و الله أعلم) بس ده على حسب تحليلي

حط نفسك مكانها و إنك قاعد مع أهلك و أخواتك و اتصلت بيك زوجتك و طلبت منك إنك تسيب قعدتك و تودي أمها السوق أو أي مشوار و همه عندهم سواق .. يا ترى إيه هيكون رد فعلك

مش تكبر الموضوع و صدقني إذا كنت قلتلها بإسلوب تاني -يعني مثلاً: تصدقي أمي لوحدها و الشغالة مش قادرة تساعدها أوي و الله أنا قلقان على أمي بس مش عارف أساعدها ... كانت أكيد هيه هتبادر بعرض خدماتها

أو إذا كانت هيه بتزور مامتك و حست إنها محتاجه لمساعده فأكيد لوحدها هتقوم تساعدها من غير طلب منك

الموضوع مش مستاهل زعل 6 أيام ، بس ممكن تعاتبها في إنها كانت رغبتك و كنت هتكون مبسوط إذا عملت كده بالراحة و بهدوء و إن شاء الله خير

__________________

[poem font="Simplified Arabic,5,,normal,normal" bkcolor="transparent" bkimage="" border="none,4," type=3 line=0 align=center use=ex num="0,black"]
أسير الخطايا عند بابك يقرع
يخاف و يرجو الفضل فالفضل أوسع
مقر بأثقال الذنوب و مكثر
و يرجوك في غفرانها فهو يطمع[/poem]


	[blink]"و اصبر حتى يحكم الله و هو خير الحاكمين"[/blink]

التعديل الأخير تم بواسطة Sun_of_me ; 02-11-2006 الساعة 03:58 PM