ياسلام موضوعك مرة روعة ياليت أخواني يقرونه
الحمدالله أمي مااااااااااقصرت معي أبداا أبدا بالعكس والله كل صديقاتي يقولون ياحظك بهالأم جعل يومي قبل يومها بس لاتعصب علي
وأبوي مايحسسني بأني متأخرة ابدا واذا سمع امي كلام امي احيانا عن الزواج وضيقت صدري يجيني بآخر الليل يقول لاتهمك يابنيتي ترى امك تغار من البنات وبين امك وابوك والحمدالله
واخوي الكبير جعل ربي يوفقه مايقصر معي ابدااا ومابين فترة وفترة يهديني ويطلعنا ويوسع صدرونا
واذا عياله طلبو منه شي ورفض يجون عندي يقولون ابوي اذا قلتي شي على طول يطيع كلامك
امابعض اخواني الباقين الله يصلحهم دايما يقولون لابوي ترى ماخرب امي وخلاها تحب الاسواق الا شوبارد متى تعرس تفكنا<< اللي يشوفهم يقول هم يصرفون علي!!
واخوااتي هالفترة كل مارحنا السوق اقول اشترو لي هدية يقولون عيب فيه وحدة تقول عطوني هدية!!
والله وادخل محل واشتري لي عقد وخاتم واردخل محل ثاني وغلفته واهديته نفسي يوم رجعنا البيت قالت اختي والله رحمتك ياليتني شريت لك!
وبالنسبة لسالفة العيد من سنتين اخوي يوم بغيت اسلم عليه سلام العيد صافحني وقال لالا البوس خليه في العرس ان شاءالله << فشلني
يوم جا السنة اللي بعدها سلمت عليه مصافحة بس
يوم جا هالسنة صافحته بس قال شكلك مطولة في بيت اهلي ياشوبارد خليني اسلم عليك زين <<< نزلت دمعتي قدامه للأسف نكد علي ذاك اليوم ورفضت اسلم عليه زين على طول ابعدت عنه وهو يلاحقني!!ويضرب كتفي وقال تراني امزح << قلبه حجر
جزاك الله خير اخوي صاحب رأي سديد أحس انك نعم الأخ لأخواتك ماشاءالله