هوني عليك يا أختي
اللهم لك الحمد و الشكر كما ينبغي لجلال وجهك و عظيم سلطانك
مش عرفه كلامي هيكون كويس و يواسيك و لا هيكون مش مناسب لكن بصدق و بأمانه إنتي في حالتك و وضعك ده أحسن من ناس كتير ، و أقصد ناس مخطوبين و متجوزين مش عارفين معنى السعاده
ناس متطلقين و ألم الطلاق بوظ لهم حياتهم
و ناس على أبواب الطلاق و مش عارفين الدنيا هتعمل فيهم إيه - زي حالتي دلوقتي- ، اتخطبت و انكتب كتابي و بعدها اتصدمت في الإنسان اللي اخترته و في طباعه ،، ما علينا مش دي القضية دلوقتي لكن صدقيني اللي يشوف مصيبة غيره تهون عليه مصيبته
تعرفي ،، كل البنات اللي اتجوزوا حواليه ، و باقسم بالله على كلامي ،، كلهم بيقولوا و لا يوم من أيامك يا بيت أبوية
اسغلي وقتك و مش تخلي عندك و لا دقيقة فاضية و ربنا يكرمك بإذن الله
ربنا يسعدك و إن شاء الله يرزقك بالزوج الصالح اللي يعوض صبرك و يستاهلك و اللي يخليك أسعد إنسانه في الدنيا إن شاء الله