السلام عليكم ورحمة الله وبركاته



الله يعينك ويعينا


لكن مسألة انخطبت نعم انخطبت والكل صار يقول ملكة ترانيـــــم بالحج وبعدها هس هس ولا خبر ولا هم يحزنون يعني بالقليل يردون يقولون ما فيه نصيب لكن ما ردوا ولا شيء فكل من سألني يقول احنا بدأنا نتجهز لملكتك شو السالفة ارد أقول ما فيه نصيب


والقهر الاكبر يوم يجون أهل الخاطب يطالعونك كأنك قطعة تباع في احد المحلات ويخرجون بدون أي اعتذار يعني مركبنا واحد حبيتي



على فكرة وحدة من اخواتي ملكت واخذت المهر وبعدها تطلقت وسبحان الله كان فيها برودة قلب عجييييييييييبة وماكملت كم شهر الا وهي متملكة وبعدها بفترة تزوجت والجين ما شاء الله بكريتها بطولها



يعني الشغلة نصيب وانت تستاهلي الافضل وكل اللي تقدموا لك وراحوا هو الخسرانين وربنا يريد لك الخير والافضل وداااااااااااااااااااااااااائما كرري يارب عوضي خير من اللي راحوا بعد كل فرض ارفعي اديك وقوليها أقل شي تحسي براحة وانه فرج الله قريب


تصدقي وحده انخطبت 39 مرة وسبحان اللي اختار لها الافضل الحين مرررررره مبسوطة مع رجالها ( أسأل الله العظيم الثامنة تكون ثابته لك )


ووحده ثانية ماتزوجت الا من فوق اللاربع وثلاثين عارفة زوجها شو يقول يقول (أنا ما اشوف الدنيا الا بعيون هوازن )
أسأل الله العظيم ما نوصل لسنها لكن ننال مثل السعاده اللي ربي عطاها ايها عاجلا غير آجل


لكن أسأل الله العظيم وادعي لك من قلبي ما تعذبين أكثر من كذا وربي يسهل لك الزوج اللي انت تستاهليه ويقدرك ويعوضك عن اللي راح وما تجي نهاية القعدة الا انت متملكة ويصير افتكينا من حشرة وحده من قسمنا ( أمزح ) وتكوني يارب فاتحة خير علينا ونكون مثل العقد إذا انفرط نتزوج بسرعه ورا بعض وتكوني انت فاتحة الخير لنا واطلب منك الان ترفعي إيدك للسما وتستقبلي القبلة وتقولي آآآآآآآآآآآآآآآآآآآآآآآمين



ولا تنسي اني بنت وما تزوجت وحاسة باللي انت تعانيه ويكفيك اني اذكر لك ان المجتمع ينظر لك بنظرة شفقة بالرغم اني ما طلبت هذا منه اللي اريده دعوة صادقة منهم ما اريد حزنهم علي


عندي كلام كثير ودي اقوله لك لكن بكرة عندي اختبار دعواك يالغالية ولي عودة ان شاء الله لكن اتمنى تكوني بنفسية أفضل


اتمنى يكون في كلامي هذا راحه لك وليس حزن

__________________
ادعوا لي بالنجاح والزوج الصالح واكمل دراستي