المشاركة الأصلية كتبت بواسطة Sun_of_me

ربنا يعوضك و يرزقك إن شاء الله بالزوج الصالح اللي يستاهلك و اللي يعوض عليك الفترة اللي عشتيها لوحدك

و علىالعموم يا قمورة إن شاء الله لما تشوفيه صدقيني هيكون إحساس عكسي تماماً و هتبقي عاوزة تديله كل شئ اختزنتيه و حوشتيه طول الفترة اللي فاتت

مش تزعلي من اللي بيجي و يمشي ، أكيد ربنا شايلك اللي أحسن منه ، و فكري بس إن أكيد الإنسان ده مش كان هيريحك ، الدليل على كده إنه مشي و أكيد ربنا مش عاوز يوقعني في واحد مش كويس (إنا عند ظن عبدي بي)

أقولك على طريقة إن شاء الله تعجبك ...

كل شئ في الدنيا دي ليها وجهين ، وجه أبيض و وجه أسود ، مهما كانت الحاجه دي حلوة جداً جداً لكن هتلاقيلها وجه مش حلو بينغص حلاوتها و مش بيكملها و ده طبعاً لأنها طبيعة الدنيا ، لأنه كان حقاً على الله إن لا يتم في هذه الدنيا فرح خالص من غير الشعور بأي ألم و ده الفرق ما بين الدنيا و الجنة -جعلنا الله و إياكم من سكانها-

و كمان مش في أي حاجه في الدنيا وحشة هتلاقيها وحشة جداً و مش فيها أي نقطة أمل ، زي ما ربنا أكد في كتابه الكريم (إن مع العسر يسراً) فأكيد كل شئ وحش لو فكرتي فيه شوية هتلاقي فيه رسالة حلوة ربنا بعتهالك من خلال الأزمة دي

حاولي كل أزمة أو موقف مش كويس تتألمي فيه -كفاكي الله الألم- تدوري على الوجه الأبيض ليه و إن شاء الله هتلاقي حتى لو كانت كلمة حلوة حد يطبطب عليك بيها أو ابتسامه أو حتى صبر تؤجري بيه عند الله عز وجل

و كمان كل لحظة حلوة مش تفرحي بيها أوي علشان مش تزعلي أوي عند أي لحظة ألم -ربنا يجعل أيامك فرح * فرح- و ده كان منهج السلف الصالح رضي الله عنهم أجمعين

و ربنا يعجلك بالزوج الصالح اللي يهنيك و يسعد أيامك إن شاء الله