إن الله لا يغير ما بقوم حتى يغيروا ما بأنفسهم
ابدأ بنفسك و حاول تتمالك أعصابك ،،، أكيد عندك همومك و مشاغل شغلك بس معلش ، ربنا خلق الراجل علشان كده و لا إيه ؟؟؟
إنت بتقول إنه كل ما بتتعصب عليها هيه بترد العصبية دي بالأفعال اللي تكرهها ،، يعني هيه مش على طول في الحالة دي ،، تعالى على نفسك شوية و حاول تمسك أعصابك و افتكر دايماً إنها بتحبك و انت بتحبها و إنها بتبقى مستنية رجوعك من الشغل بفارغ الصبر علشان تقعد مع حبيبها فتلاقيك متنرفز و متعصب فأكيد هيه كمان هتتنرفز و تتعصب
أنا مش بدافع عنها هيه أكيد غلطانه ،، لكن يا سيدي اعتبرها ضريبة القوامه و إنك إنت اللي لازم تصبر و تستحمل في الأول علشان تلاقي منها رد الفعل اللي تتمناه
أما عن اهتمامها بالبيت و بنفسها ،، يمكن هيه مش بتعرف أو مش حاطه في بالها ، اهديها أي شئ تتمنى إنك تشوفه عليها أو عطر تحب تشمه أو علبة ماكياج علشان تستخدمها و امدحها لما تعمل الحاجات دي و إن شاء الله ما تشوف منها غير كل طيب
آسفة إذا كان كل كلامي معتمد على بداية منك ،، لكن صدقني أي زوجة مش ممكن تعض إيد اتمدت لها بالإحسان تخيل إذا كانت دي بقة إيد زوجها أبو بنتها و كمان حبيبها
معلش طول بالك عليها شوية و مش تديق خلقك
ربنا يديم نعمته عليكم و يسعد لكم أيامكم و تشوف في زوجتك الل تتمناه ....