لماذا نستلف الهموم من المستقبل ؟؟
اليست الاقدار بيد الله وهو اعلم بالغيب وما تخفي الصدور ونحن لا نعلم الغيب

لماذا نيئس من رحمته؟؟
وهو ارحم الراحمين بل هو ارحم بنا من امهاتنا

لماذا دائما نحن متشائمين؟؟ نخاف من المستقبل؟؟
وهو بيده ونحن عبيده

لماذا لا نتوجه له بالدعاء؟؟
فنطرق كل باب الا بابه
ونرجو كل شخص ولا نرجوه وهو يقول ادعوني استجب لكم
وهو يتنزل في الثلث الاخير من الليل ويقول هل من دعاً فاستجيب له

>>>>>>>>>>>>>>>>> مافي بعد هذا الكلام اي كلام ثاني
الف الف الف شكر على طرحك
وفقك الله دوما
*
*
*
*
*
*
بس انا ودي اقول شي بخاطري
انا بصراحه ما حسيت بذا الاحساس ابد اني انتظر عريس او اني ابي اتزوج
والله ترا نبهتوني لشي غريب فيني انا لغاية ما صار عمري 18 سنه وعمري ما فكرت بالعريس ؟؟؟؟
خلصت الثنوي من هنا وتوني دخلت الكليه وانخطبت على طول
والله اني بكيت يومها لاني مابي اتزوج .........كنت شاطرة كثير ماشالله علي وابي اكمل دراستي
اهلي قالو شوفيه ويشوفك وبعدها قرري
شفته وما تغير الوضع بل بالعكس اصريت اني اكمل دراستي ومابي اتزوج
وهو لمن عرف كذا قال بانتظرها لمن تخلص.......... وخلصت دراستي
قلت انا جايبه امتياز مع مرتبة الشرف حرااااااااااام ابي اتوظف...........قال ما عليه توظفي
توظفت وبعدها تزوجت عاد احسبوها كم سنه ؟؟>>>>>>انا والله مو كره فيه
بس مو جاي على بالي زواج ابد مدري ليش ؟؟؟
اكيد كثير الحين يقولون لي احمدي ربك وانتي في نعمه ومدري شنو
ايه الحمد لله وانا بنعمه وفضل من الله بكل وقت
لكن والله لو تدرون يمكن انا ما حسيت الحرمان من الزواج قبل كذا
لكني اذوق الحرمان من الاطفال الحين >>>>>>>>ادعولي الله يرزقني الذريه الصالحه عاجلا غير اجل
اللي ما تزوجت تشوف اللي حواليها تزوجو وانا اشوف اللي حواليا خلفو حتى اخواتي اللي اصغر مني
فلا تتوقعون اللي تزوجت مرتاحه او انو خلاص انزاحت الهموم منها
لا والله ترا كل انسان له همومه
ومالنا غير الصبر والدعاء والايمان بقضاء الله وقدره
اسفه على الاطاله لكن والله تقلبت علي المواجع وما قدرت ما افضفض اللي بداخلي
سامحوني

__________________