السلام عليكم
أخي فهد الف شكر لك على هالصراحه ... فعلا انا مره متعلقه بهالمنتدى بشكل ما تتخيله لدرجة اني ولدت ولما رحت اقضي الاربعين ببيت اهلي اول شي حطيته بالشنطة الاب توب عشان اتابع المنتدى حتى وانا تعبانه بعد الولاده ......ز
فيه شغله اكتشفتها فيني من بعد ما سجلت بهالمنتدى ... اكتشفت اني عندي قدره على حل المشاكل لما اقرى اي مشكله اتخيل الوضع واعيشه واسأل نفسي ايش ممكن انا يرضيني لو اني بمكان هذا الشخص وأكتب اللي يدور ببالي فورا لدرجة اني بعد ما اعتمد الرد السريع اكتشف ان عندي اخطاء املائيه بس من السرعه ابي اكتب اللي افكر فيه بنفس اللحظه كني اسولف مع الشخص نفسة ............
على فكره انا لما بحثت بالنت عن منتدى خاص بالمشاكل الزوجيه كنت ابي حل لحياتي لانها كانت جدا تعيسه بس ما تتخيل شلون حياتي انقلبت فوق تحت بفضل الله ثم هذا المنتدى اكتشفت اني قادره احل مشاكلي وعارفه مفتاح قلب زوجي بس مكابره ومعانده نفسي .......... ما اقولك صارت حياتي جنه لا بس على الاقل صرت اعرف ايش ابي وكيف اتصرف ببعض المواقف .. كأن فيني طاقه كامنه تفجرت بهالمنتدى ...
أما بالنسبه لكم يا الاعضاء فمن جد احبببببببكم ولا اقدر استغنى عنكم وعن مساعدتكم أحسكم كأنكم عايشين معاي وتسولفون معاي بصراحه حتى الشي اللي ما اجرء اقوله لأقرب الناس لي اتكلم فيه بصراحه معاكم
أختي طلة الخير مو عيب انك تكونين صغيره بالسن يمكن بنصيحه عفويه منك أو بكلمه حلوة أو بدعاء من دعواتك تحلين مشكله كانت راح تخرب بيت لا تصغرين من نفسك ولا من افكارك يكفي انك حاولتي المساعده بأخلاص ......
أخي فهد مره اخرى شكرا على هالموضوع اللي اتخيل ان الجميع بيشارك فيه .....