انا بكتبلكم الحين وانا مقهوره ومريضه لان عندي القولون العصبي وهدا الي اخرني عنكم وما عرفت ارد
اولا اشكر كل من رد علي بنصيحه اودعاء
ثانيا الي حصل من كام يوم ماصرت اتحمل
انا قلتلكم ان انا كان لازم نروح لان عندهم مناسبه وفعلا رحنا وياريتنا ما رحنا
الي خفت منه حصل وزجي الي مايفرق شكله كتير بره البيت وللحق ولا جوه البيت صار يتشيك وغرق نفسه برفان
ووقف قدام المرايا كتير (وللعلم هو لما يخرج اي مكان تاني ما يسوي كده)
وقعد يفكر في هديه ناخدها واهتم على الاخر بشكل الهديه وغلافها وتفاصيل دقيقه ما بتخطر على بال زوجي الي ماعبرني بهديه واحده من 8شهور وهي مده زواجي بيه
المهم رحنا وكانت الصدمه
زوجي هو الي صار ينظر ليها ويتنح كمان (ما ادري اذا كنتو فاهمين يتنح بس هي كلمه معناها يبحلق او يركز معاها مره)انا طبعا رحت على البيت مولعه وبالذات صار يردد كلامها الي هيا متعمده تقوله عشان تدايقني قدامها
يعني يقول الحرمه السمينه احسن من النحيفه(مع العلم انا نحيفه وهي سمينه) يعني كمان بينصرها عليا
ولما رجعنا انفجرت بوجهه وصرخت فيه واهنته بشده من كتره غيظي ومد ايده عليا لاول مره
وتاني يوم اتكلمنا عادي وحاولت انسي نفسي لكن ما قدرت لقيت اخوه بيتصل فيه يقوله العيله كلها متجمعه في بيت عمك فلان لانه رجع من السفر وكلهم بيروحو وقفل معاه من غير ما يقوله هو بيروح ولا لا
وزوجي بعدها جالس على نار يبغى يعرف اخوه ومرته بيروحو ولا لا ويبغى يتصل باخوه على الموبيل
وما منعه غير النظرات الناريه الي كنت بنظرله بيها وما اتصل
واول ما وصلنا بيت عمه وشاف سياره اخوه انشكحت اساريره وطبعا قدام الناس جلس يطلع فيها كل شويه مع انه الحمد لله انا احلى منها واشيك منها واصغر منها ....ما قلت شى وروحنا البيت وانا بغلي وكتمت في نفسي وما قلت حاجه لكن نمت من يوميها بسبب القولون العصبي
الحمد لله على كل شيئ وانا فوضت امري لله خلاص وجيت اليوم بيت اهلي عشان تعبانه وهو لما جابني قلتله انت السبب
في مرضي وانت سويت كذا وكذا قالي انتي تبغي تخسريني اخوي وانا ما بخسر اخوي عشانك!!!!!!!!!
قولولي ايش اسوي كيف اطلعها من راسه كيف احببه فيا متل الاول؟؟؟؟
(وأفوض أمري الى الله ان الله بصير بالعباد)