موضوع حلو..
أنا بدخل على طول وبدون مقدمات......بعد أربع شهور من الزواج حملت....والله لا يوريكم الوحام إللي جاني. كرهة الحمل بسبت الوحام ونزل وزني من 58 كيلوا إلى 48كيلوا...وطبعا في فترة الحمل نفسيتي تعبانه وزوجي كان دايما أتخانق معاه بسبب الأكل! كرهة شئ إسمه أكل!
في الشهر الرابع وبعد ما إرتحت نوعا ما من الوحام جتني حمى لمدة 4 أيام...وعزكم الله إكتشفت بأني مصابه بفيرس إسمه (فيرس الورم الحليمي) طبعا أنا تكلمت عنه من فتره...
عموماً إبتدت الهواجس والخوف فيني بأن أنقل هذا الفيرس لجنيني. والحمدالله خلال فترة الحمل ماكنت تعبانه لأن الجنين كان صغير والماء حواليه كان تحت المعدل الطبيعي... وفي آخر الشهر الثامن صارحتني الدكتوره بأن يمكن تكون الولاده قيصريه إذا مازال الفيرس في عنق الرحم أو يمكن تستخدم جهاز الشفط أو أو أو وكمان كلمتني عن إبرة الأبيدورل إللي تناخذ في الظهر.
أنا فكرت فيها بس كنت متردده خاصه بأني أخاف من الألم قبل ما أحس فيه. سألت الأعضاء الكرام في هذا المنتدى وماقصروا...فتوكلت على الله وكلت وجع ساعه ولا وجع شهور بسبب الإبره.
31-7 ..الساعه 3...كنت أحس بأن حان الوقت بس ما كنت أحس بشئ...كنت أحس بألم في قلبي فقلت لزوجي وإحنا نتغدى :- أحس بألم في قلبي، فقال حتى أنا....وقفلنا على الموضوع. الساعه 4 العصر قلتله ما أدري ليش أحس بأني بولد قفال لا إنتي بعدك موعدم 25 أغسطس..الساعه4.30 نزل الماء وإنهرت من الخوف وزوجي مثل! بعدها أجريت إتصالاني بخواتي وبالدكتوره وهدوني.......رحت بيت أبوي وماكان في ألم....4 الفجر إبتدا الألم يجي يالتدريج.....الساعه 5:30 رحت المستشفى مع إختي وأمي مارضت تجي معانا لأنها كانت خايفه. الساعه 8:30 إبتدى دقات قلب بنوتي تقل ولأن الماء كان قليل حركتها كانت قليله وقررت الدكتوره بأن آخذ الإبره لأن كان من المحتمل تشفط الراس....أخذت الإبره—والله إنها موريحه مره..أنا ناويه آخذها في الحمل الثاني بس إختي رفضت.
الحمدالله الولاده كانت سهله وبنتي الرب ساعدها بدون ما يشفطون راسها.
من الموافق الطريفه إني كنت أتكلم بالإنجليزيه ويا دكتورتي و كنت أقول بعض الكلمات مثل:
I cant manage the pushing
ما أقدر أكمل هذي الكلمه Oh sh--
I don’t know how to damn push!
وكل ما أقول أتكلم إختي تحرج علي وتقولي لا تتكلمين بالإبجليزي—إدعي ربك إنه يسهل لك ...وأنا أرد عليها كيف تبيني أدعي وأضغظ في نفس الوقت!
الحاله النفسيه:
طول فترة الحمل كان فيني إكتيئاب وزاد أثناء الولاده وبعدها وظل لمدة 3 أشهر.
طبعا أول ما دخلت المستشفى زوجي ماكان يعرف إني رحت وماكنت بقوله إلا لما أولد لأن لما وصلني بيت أهلي قالت له أمي لا تقفل الموبايل بليل يمكن نناديك عشان نروح المستشفى فرد عليها أجل ليش أنا جبتها عندكم! عمري ما راح أنسى لما كنت في الغرفه والأجهزه مربوطه على بطني والبيرس تتصل بقسم الستجيل وتقولهم:إبعثوا أحد يجي بأوراق التسجيل في غرفة رقم 200 لأن المره بتولد وزوجها مش معاها علشان يخلص الأوراق...والكلمه إللي بكتني وآلمتني أكثر من ألم الولاده لما قالت بالحرف:
She is alone by herself
بكيت بحرقه وبعثت له رساله: أنا في غرقة الولاده....إتصل على طول وسألني سؤال سخيف : تبيني أجي أو أبعث إختي!؟ فرديت عليه لا لا تجي ولا تجيب إختك ولما أولد بيوصلك الخبر....10 دقائق وشفته عندي ...حسيت براحه لما شفته بس في نفس الوقت حسيت بلاموبالاه لجيته!
اكتفي بهذا...وإللي بالقلب بالقلب
__________________
[
FONT="Arial"]أربع خصال من الجهل
من غضـب على مـن لا يُـرضيه
وجلس إلى من لا يُدنـــيه
وتفاقر إلى من لايُغنيه
وتكلم بما لا يعنيه