اقتباس:
|
المشاركة الأصلية كتبت بواسطة بوبو80
حبيبتي واختيSun of me
والله في معظم كلامك كانك بتتكلمي عني بذبط!
سبحان الله اتحسدت في تعليمي وشهادتي حتى من ايام المدارس تخيلي
اتحسدت في شكلي وقالولي دي بكره تكون اول واحده تتجوز ولكن الحمدلله الي الان لم يشاء الله و
يارب يكون خير.
انا اعتقد ان الي انتي فيه يكون من احلام وفي حياتك يكون من تاثير الحسد واعملي ذي
ما قالوا لي داومي على سورة البقرة يوميا والاستغفار وحسبي الله ونعم الوكيل
في كل عين حسودة لان ده بقا مرض العصر.
نيجي للموضوع المهم وهو جوزك:
انتي بتقولي بيعمل شهادة وعلى ما اعتقد انك تقصدي شهادة الCPA واذا كان ده
صح فالشهادة دي بتكلف دي غير السفر للامتحان والمذاكرة ليها وهو كمان بيشتغل
يعني فيه عليه ضغوط بص بصراحة مهما كانت الضغوط الي عليه مش مفروض يعاملك كده
حكاية تقلب المزاج الي هو فيه دي تقلق بعدين اما من دلوقتي بيقولك الطلاق اما لما تبقوا
في بيت واحد حيعمل ايه
انا عارفة انك استخرتي ربنا ومازلتي بس ادعي ربنا كتير واثناء الفجر بذات
اني حسه انه من النوع العصبي اوي وده ممكن يتعبك اوي في حياتك
بعدين انتي لسه على البر وممكن لو مش قادرة تكملي معاه وشايفة انك
مش مرتاحة الحقي نفسك قبل ما تغرقي اكتر
انا عارفة انك عشان بتحبيه حسه انك ممكن تغفريله وممكن تقولي
معلش استحمل وانه كويس بس متخليش الحب
يعميكي صدقيني تعب شهور ولا تعب الحياة
ادعي ربنا وطمنيني وانا بدعيلك ان ربنا يهديكي ويحفظك ويختار
ليك الخير يارب
|
جزاك الله كل خير على مرورك يا أختي الغالية بوبو 80
أما عن الحسد فصدقيني حسيت بيكي و باللي بيجرالك من المواضيع اللي كنت بتطرحيها و كنت عارفه بتعاني قد إيه
حسبي الله و نعم الوكيل في عيون الحساد و كيد السحرة
صدقيني اخترت أبعد عن الناس علشان أكتفي من أذى عينيهم ، قالو مغرورة و حاسة بنفسها و بالنعم اللي ربنا مديهالها و اتحسدت أكتر ،، أكتر أمنية بتمناها إن الناس فعلاً تسيبني في حالي لأني فعلاً تعبت من أذاهم
و اللي أكتر من كده بتعرضله إن في ناس من المقربين جداً (مقربين بالإسم طبعاً بس) بيتفننوا في أعمال السحر لتحويل أي شئ حلو في حياة أي حد لشئ تعيس و حياة مليئة بالهم و التعاسة ، ربنا يسلمني و يسلم كل الناس من أذاهم
أما عن زوجي العزيز ... فهو بيكمل دراسته في بلد أجنبي ،، لأنه لسه مش خد البكالوريوس و قدامه لسه سنتين و نص تقريباً و بعدها يبقى يتم الزفاف - إذا ربنا لسه كان كاتبلي نصيب معاه - و احتمال كمان أسافرله بعد الزفاف و ده اللي بيقلقني على حياتي معاه أكتر لأن دي غربة و ساعتها إذا حصل أي شئ مش عارفه ممكن أتصرف إزاي
كل الكلام اللي قلتيه كلام صحيح 100% و ده الكلام اللي عقلي بيرجحهولي كل ما أفكر في الموضوع بتاعنا .. و أستخير ربنا و أول ما يبدأ يكلمني يقعد يقول كلام كتير جداً يدايق و أحس إني مخنوقة و عاوزة أتكلم و أرفض كل اللي بيحصل لكن كأن في طوبة على لساني و مش بقدر أتكلم و أسكت و مش بنطق بأي كلمة غير كلمة حاضر و معلش سامحني أنا كنت غلطانه ، حتى لو مش أنا اللي غلطانه و أول ما بقفل التليفون بنهار بالعياط ... و يعدي الموقف من غير ما آخد حق أو باطل معاه
الحمد لله رب العالمين أنا أكبر أخواتي و اتربيت على تحمل المسؤلية من صغري و الحمد لله ليه شخصية قوية لمسها من أول يوم بدأنا فيه نتعرف على بعض و بعد كتب الكتاب كان بيعمل كل شئ يقدر عليه علشان يكسرني و يدمرلي شخصيتي لأنه ذو شخصية فولاذية و يرفض تماماً إن زوجته تكون بالشخصية دي معاه
آسفه إني طولت أوي في الكلام لكن من الهم اللي في قلبي و اللي مش بقيت عارفه أتصرف فيه إزاي
أنا بحبه جداً لكن حب القلب لوحده مش ممكن يقيم علاقة زوجية صحيحة و سليمة
مش عارفه أعمل إيه ؟؟؟ يمكن أكون اللي أنا فيه من السحر و هو ده اللي مخليني متدايقه منه ،،، مش عارفه
ادعيلي ،، ادعيلي لما تفتكريني ربنا يطلعني من الحيرة اللي أنا فيها دي و يجمع قلبي و عقلي على طريق الخير