الصراحة قلبي عورني
سبحان الله الرجل اذا طيب تجي له زوجه ما تقدره ............
أخوي الصراحة انت طيب وزوجتك ما هي مقدرة النعمة اللي هي فيها
بعد كل هذا اللي تسوي لها والتنازلات والمساعدة منك لها في شؤون البيت واهمالها
وبعدين زوجتك أخوي ما هي صغيرة 24 سنة كبيرة والمفروض تكون عاقلة
الصراحة مشكلتك مشكلة .............أخوي انا لا أحبطك لالا وان شاء الله تنحل كل مشاكلك
شوف أخوي اترك زوجتك عند أهلها لين تتأدب والحياة بتعلمها قدرك
واذا تأسفت ووعدتك بالتغيير للأفضل وحست بقدرك وواجباتها تجاهك رجعها
واذا لازالت على عنادها ولا مبالاتها واستهتارها بالمسؤليات اللي عليها
فاتركها ..............وابحث لك عن زوجه صالحة جميلة فيها الصفات اللي تبيها تقدرك وتحترم الحياة الزوجية
والبنات الصالحات كثيييييييير ويتمنون الزوج الصالح مثلك وشرواك
أخوي انت بعد فيك خطأ ..........وهو انك مستعجل بالتلفظ بكلمة الطلاق
أخوي عاهد نفسك الا تنطقها ابدا
حتى لو بغيت تطلق طلق في المحكمة بعد ان تفكر جيدا
أما ان تجعل هذه الكلمة على لسانك هالشيء غلط وباتندم عليه
انصحك ان لا تنطقها ابدا الا اذا انت متأكد بعد تفكير طويل وعميق وامام قاضي .
:
وعليك بالدعاء
اصلح الله لك شأنك .
التعديل الأخير تم بواسطة ***نووور*** ; 26-11-2006 الساعة 02:23 PM