ريماني يا ريماني

ضغطي على الزر الحساس

تعرفي صرت أعرف الإجابات اللي تؤدي إلى كلمات كهذه فأتحاشاها..

بعني لو مكانك وسألتني ليه ما رحتي ؟ أقول ما لقيت أحد يوصلني فتنكتم !! بعدين أسألها إنت رحتي ؟

أو أسألها سؤال أخليها تبدأ تشتكي من زوجها وعيالها وإنها مو لاقية وقت تسوي شي لنفسها وتبدأ تنحب !!

وأنا أطبطب وأقول الله يعينك الزواج صعب ومسؤولية الله يستر بس !


ياما جاتني كلمات مثل هاذي أخرها وحده تقول لازم تدعي لنفسك بالزوج الصالح وبدأت تعطي نصايح

قلت خالة لو كنت أبغى أتزوج عشان فرح وفستان ودبلة كان تزوجت او خاطب لمن كنت ثالث ثانوي

بعدين إنتي ماشاء الله عليكي أدرى بالموضوع وما تزوجي بناتك لأي من كان وتتخيروا الأفضل !!

بنتها أكبر مني بسنة وتزوجت مطلق لكنه طيب ما شاء الله.. بس الوقت اللي تكلمت فيه مو مناسب أبداً.. والله دمي نشف

لكن تماسكت وطلعت مني الكلمتين هاذي.


حتى المناسبات لو ما تخدمني ما أروح لها وإذا أحد حب يطلع معاي أطلع بكيفي والوقت اللي يناسبني.. لكن الأعمال الأخرى الإنسانية تحضى باهتمامي ولها أولوية.

مرة عزمتني صديقة دايما تجمع بنات الفصل الدراسي حتى قبل ما تتزوج.. توجت وكنت مترردة في الذهاب.. رحت متشيكة وآخر أنتكة البنات اللي أتوقع منهم كلمات مالها داعي ما أجلس جنبهم وأتعمد تحاشي النظرات حتى لا أعطيهم مجال أنبسطت والله وأظهرت فرحي بصورة متوازنة أخذوا حريتهم بالكلام وتناقشنا ومزحنا وأضحكتهم كثيرا.. إنت بيدك تقدري تقولي الكلام اللي في لسانهم بطريقة مضحكة بحيث تجي منك ولا منهم.

يالله الآن ثلاث من معارفي على وشك ولادة وتعالي شوفي حالي شايلة هم الزيارات والنظرات والأسئلة.. على فكرة لمن أحد يسألني ما تزوجتي؟ أقول لأ.. على يدك يا خالة ! هم كيف الناس تتزوج ؟ لازم إنت تدلي علية.. تعرفي صاروا يبطلوا يسألوني !!

الحل تحاشي الردود التي تعرفي تعليقاتها لمحتملة سابقاً.. أعانك الله وإيانا على كيد النساء.. وهو عظييييم.. وأقول إذا الأقارب عقارب أمال الناس إيش !!!!

__________________

من وثق بالله أغناه

ومن توكل على الله كفاه

[CENTER]______________________________

كرروا معي يا بنات


أنا لؤلؤة.. داخل محارة.. في بحر عميق.. لن يكتشفها !!..

إلا غواص ماهر

[CENTER]قال علي بن أبي طالب للأشعث بن قيس:

إن صبرت جرى عليك القدر وأنت مأجور ، وإن جزعت جرى عليك القدر وأنت مأزور[/CENTER]

[/CENTER]