أختي همسه .. الحمدلله انك اكتشفتيه على حقيقته وانتوا لسه على البر ..بيكلم البنات , طلب يبيع الشبكه من ورى أهلك , وآخرة المتمة يدعي عليكي بالشلل وكمان عاوزه ترجعيله وانتي بنفسك بتقولي انكم انفصلتوا ثلاث مرات وهذا دليل ان الشخص هذا لايؤمن جانبه يعني بالعربي ماراح تحسين بالأمان معاه .

حبيبتي فترة الخطوبة اتعملت عشان تتعرفوا على بعض أكثر ولاتقولي انك بتحبيه من أيام الطفوله ده كلام فاضي لأن الزواج مش يعني حب طفوله لا الزواج عايز ناس كبار وراشدين وبيحبوا بعض بالقلب وبالعقل ويبتدوا يخططوا لحياتهم من البدايه على أسس سليمه مش على الخداع والنصب والكذب .

عشان تقتنعي بكلامي اتخيلي ان انتي وخطيبك اتزوجتوا سيبك من شهر العسل بعدها حيحصل ايه حيرجع يكلم البنات يعني حيخونك والخيانه حتجر رجليه لحاجات أكبر والعياذ بالله , وحيطلب منك فلوس لأنه طمع في شبكتك وكان عايز يبيعها استخسرها فيكي , وزي مادعى عليكي بالشلل يمكن يمد ايده عليكي ووووووو . اسمحيلي انا قسيت عليكي بس لمصلحتك والله .

خليكي ورى كلام أهلك لأنهم أدرى بمصلحتك وبيحبوا ليكي الخير وربنا يوفقك .

__________________
[FONT=Arial[SIZE=5]](((( على النابل أن يتأنى .... فالسهم متى انطـلق لايعـود ))))[/SIZE][/FONT]