مب زين تضربين عيالج ... هذولي طلعوا روحج لين طلعوا لهالدنيا ..
احسبي معاي ...
طفلين *( 9 أشهر (حمل) + الولاده + النفاس+ رضاعه + فطام + سهر + علاج + مصاريف + الخ )
كم تحملتي من الألم عشانهم .. و تين آخر شي تضربينهم و اتعصبين عليهم و تكشرين في وجوهم!!!
تروحين الدوام و يتمّون بعيد عن عينج.. يكونون مشتاقين لج و لما ترجعين ترجعين معصبه و مالج خلق عليهم..
حطي نفسج مكانهم ..شو تتمنين من أمج ؟؟ كيف تبينها تعاملج و انتي في السن الصغير هذا ؟!
بتتشفقين على ابتسامه منها .. أقل شي ابتسامه .. و عليج تتخيلين الباقي..
و تذكري المحرومين .. اللي ما رزقهم ربج بالذريه للحين .. اتخيلي معاناتهم و لهفتهم على طفل يناديهم يمّا و يبا ..
اتعوذي من ابليس كل مره اتعصبين فيها و إحمدي ربج و قدري النعمه اللي إنتي فيها.. و ربي يوفقج و يصلح حالج مع عيالج..
__________________
اللهم ارزق إخوتي زوجات صالحات و أخواتي أزواجا صالحين عاجلا غير آجل يا رحيم..
"علمت أن رزقي لن يأخذه غيري فاطمأن قلبي"