المشاركة الأصلية كتبت بواسطة Sun_of_me

مش عارفه أقولك إيه فعلاً مشكلة صعبة و لكن خلينا نهتم بالحلول الاهم فالمهم

أختي الغالية : مش هينفع تطلبي منهم مش يجيبوا حلويات في بيتهم علشان بنتك ،، مع إن المفروض إنهم يعملوا كده من نفسهم لكن زي ما بقول من نفسهم لكن إنت مش هينفع تقولي

بالنسبة لبنتك فالله يعينك و يحفظها ليك يارب ،، بالنسبة لأكلها في كتاب طبخ اسمه الكعك و البسكويت من كتب الفراشة في أشكال و طرق مختلفة لتزيين أكل الأطفال يعني بسكويتات على شكل عرايس و سانويتشات على أشكال حيوانات ... و حاجات من هذا القبيل حاولي تعمليها و إذا مش لقيتي الكتاب حاولي إنت تبتكريها

هاتي القوالب اللي على أشكال مختلفة صغيرة و قطعي بيها السندويتشات و زينها بالكاتشاب و الزيتون و ارسمي عليها عيون و شعر و حاجات كده تخلي الطفل يحس إنها لعبة

جربي الفطائر و المعجنات اعمليلها بيتزات صغيرة و حطي مكوناتها على شكل وجه و شمس و إلخ ...

إذا مش كانت بتاكل غير الرز الأبيض اسلقيه في اللبن علشان قيمته الغذائية تكون أكبر (زي الرز باللبن أو الرز المعمر و بكده هيكون ليه نفس الشكل اللي بتاكله لكن بقيمة غذائية أكبر

و إذا جت على بالي أفكار تانية هحاول أكتبهالك

أما عن أهل زوجك ... فالله يعينك ، لكن من رأيي بنتك أهم من أي شئ و مصلحتها فوق كل اعتبار لكن بحكمة و بهدوء كما عهدناك أختنا الفاضلة

و الله يعينك ،، و اشركي زوجك في كل شئ هتعمليه

ربنا يحفظلك بنتك و يصلحلك من حالها