تدري عاد انا صديقاتي مختلط مابين متزوج واعزب لكن عموما من اول ما تزوجت اخذت على نفسي عهد اني ما اتغير على صديقاتي اللي مو متزوجات واذا جلسنا سوى ابدا ما اجيب طاري بيتي او زوجي الا اذا انسألت لدرجة صاروا يقولولي يا كريستاله ما حسينا انك اتزوجتي انتي زي ما انتي ماتغيرتي علينا مو زي فلانه وعلانه..

بس انا بقولك على موقف شبيه بالموقف الاخير اللي مع صديقتك (ام علي):
مره كنت جالسه مع قريباتي وهما تقريبا بعمري وكلهم عازبات المهم قعدوا يسولفوا لمدة ساعه كامله عن السفر الى لبنان في الصيف وتخطيطاتهم والتمشيات ومره ماخذين راحتهم وانا ما نطقت معاهم بولا كلمه وبالاخير قالولي خليك انتي هنا قاعده تطبخي وتكنسي وتغسلي واحنا نتمشى ونتفسح هناك!! انا ضحكت وقتها ومازعلت لاني اعرف انه كل وحده فيهم تتمنى تكون مكاني ،،عاد اختك كرستاله ملسونه وقلتلهم ((على قلبي زي العسسسسل)) وقلبت الموقف ضحك..

فبقولك لا تشرهي على خوياتك اللي بالعمل ترى من دون قصد تصرفاتهم..

اقولك موقف ثاني شبيه
لما اروح عند حمولتي اخوات زوجي وسلايفي كلهم عندهم عيال ما عدا انا وطول الوقت وهما يسولفوا بنتي عملت وابني سوى ومن وين شريتي هذا ومن وين جبتي ذاك لابنك وعلى هذا الحال وانا بس اقلب عيوني بينهم مستمعه حتى انه خالتي ترحمني دايما وتشوف اذا مصخوها تغير السالفه عشان نحكي بشي عام..
شوفي هما ما راعوا وجودي وانا اعرف انه من دون قصد ويمكن لو كنت مكانهم رح اعمل نفس الشي من دون قصد..


هذا كل اللي عندي وانا بس حبيت احطلك مواقف شبيهه للي قلتي عنها عشان نقتنع كلنا انه كثير مرات تحصل من دون قصد فمافي داعي احنا ناخذها بحساسيه..
ولازم دائما نحط في بالنا انه الدنيا دواره وكما تدين تدان ونراقب تصرفاتنا على قدر الامكان..

__________________