نكمل لو اني احس ان الي كتبته كتبته بختصار شديد وكنت اتمنى امسك الموضوع نقطه نقطه واشرحها بالتفصيل مثل قبل بس موضوع واحد ما بيكفي مثل ما كنت متخيله فبكتب الي عندي وان شاء الله بين فتره وفتره بفتح موضوع لشي معين سويته وياب نتيجه ويايه عشان الكل يستفيد واكرر انا اكتب هالاشيء لله عشان تدعولي واخذ اجر فيكم تاكدوا ما بكتب شي ممكن انكم تدعون عليه ...


نتكلم في شعر الرااااااااااس
المشكله يباله صبر صبر صبر
ولكن النتيجه دائما تكون

انا الي باع طووووووووويل وخبره لا يستهان فيها وجربت شغلات واااايده

في البدايه بقولكم الشعر عادي يطوووووول للطول الي تبينه بس وين المشكله اذا كثف يمكن يكثف لثلاث مرات او اكثر حسب الفروه بس ما يصير قطعه لان عدد الشعر في الراس بالوراااارثه ومع العنايه يتحسن يعني المسامات الي فيها وبر تصير شعر ويكثف الشعر ..........

طبعا انا كنت مجنونة شعر طويل لين عاني الله سبحانه وتعالى وطول ولكن اتريا بفارغ الصبر ازوج عشان اقصه تصدقووووووووووووون

هوه جميل جميل ومميز مميز ولكن في حدود المعقوووووول يعنيانا اضطريت اقصه من الاخر عشان يصير شكله احلى والحمدلله توفقت ولكن ولكن ولكن يا بنااااااااااات

اريد منكم قبل كتابت المشاكل والحلووووووووول التاكد من شي واحد الشعر الصحي الا منالشعر الطويل المنتف او الشعر الي تحسيبه باااهت

كان للكتف او لنص الظهر او اخر الظهر او اسفل الظهر اذا الكثافه حلوه ونفس الون ونفس النوعيه بتقولين مشالله كلهن شعورهن حلوه بس بتستمتعين بالنظر للي شعرها اطووووول صح ....

فانا اريدكن تشلن كابوس الشعر الطويل لا الممثله الفلانيه شو تسوي ولا حشيش ولا بطييييييييخ اباكن تركزن وبعممممممممق صار زفير وشهيق من تفكير


الشعر اذا ضعييييف ومنتف بس اخر ذيله يصل الى مكان معييين وتمطينه كل يوم عشان ترضين غرورج وتقولين وصل المكان الفلاني بتكونين جنيتي على نفسج

الشعر حلاوته في شكله مش طووول والشكل ولله الحمد يتحسن الطول الي ياخذله فتره زمنيه طويله والوراثه تلعب دووور معني عقب الي شفته بعيني اقول بقدرت الله بالطب والعلم استطاعوا ان يتغلبوا على هذه المشكله ....

انا جربت زيوووت لا تعد ولا تحصا
اكتشفت ان اثنين لا ثالث لها افضل شي للشعر
الناريل + الخروع
بس تكون نوعياتهم ممتازه
وفي نوع ثاني بالعسل والحبه السودا ان شاء الله اذا بينت نتائجه اخبركم
والسدر روعه للشعر روعه روعه روعه الحين الي فتره معاه وصدقوني مش ناويه
ابدا اتركه بتقولولي ينشف الشعر بقولكم استخدموا حمام زيت ولكن بعيد كل البعد عن الفروه

هذي من الناحيه الطبيعيه

من الناحيه الطبيه الي احدثت انقلاب في الكثيرات سمعوووني زين
الشعر مثل البيبي اذا فكرتي فيه وصممتي انج تطوليه وماتخلين شي ما تسوينه له
بيضعف وبيتبهدل لازم تكون في خطه عشان تتمتعين بشعر جميل وجذاب كيف


1_ اول شي اذا نقص اي معدن في الجسم او فيتامين اول ما يتاثر الشعر والاظافر
2_ اذا عاملتيه بقسوه كيماويات وصبغ وتمليس وبيرم وسشوار كل يوم بينشف وبيخشن وبيطيح نصه ...
3_ اذا سمحتي لازمه نفسيه تسيطر عليج انتي الخسرانه وانا مجربه هالشي من فتره بسيطه صارلي تساقط لين الله ردلي عقلي ولله الحمد واذا فكرتي فيه وايد صدقيني بيكون في محلك سر اهم شي تسوين الي عليج وتتركين الباجي على الله سبحانه وتعالى
4_ اذا و اذا و اذا و اذا و ............الخ

لازم تكون خطوج الاولى زيارتج للطبيبه
تسوين فحص شاااامل للمعادن وفيتامين ب بانواعه لان نقصه يخرب الشعر
وبعدين تاكلين فيتامين للشعر والحين الي لها سمعه طيبه في الشعر نيتروكاب عن تجربه وبل فود هذيلا افضل شي للشعر ممكن تسالين اي طبيبه وبعد اشهر بتبين النتيجه 100%

الغذاء لازم السي فووود والجرجير والبن والعسل وشرب ماء زمزم والدعاء والله ثم والله انه مجرب سبحان الله

خلصنا من الداخل

اني للهرمونات تعرفون ان الهرمونات اذا تلخبطة ممكن تسوي مصييييبه عاد الوحده تقرع عشان جيه لازم تهتمين من هالناحيه وتضبطين امووورج عند الطبيبه وبتشوفين الي يسرج

اذا كنتي تعانين من امراض السكر والضغط والغده وغيره ولا تسوين رجيم غلط !!!!
تحاولين تسوين كنترول على عمرج لان هالاموور بعد تاثر وبشكل مرعب على الجسم كاكول شفت بعيييييني ما حد قالي وحده كانت بيضا وهيه فيها الغده صااارت سمره صرت افتح عنها بوااايد معن كان العكس !!!!

نكمل بعدين

__________________