سمحولي أشارككم الرأي

أنا موظفة وبساعات دوام طويلة من 8 الى الأربع وعندي بيبي صغير ... زوجي هو اللي مشجعني على الدوام مع العلم ان معاشي فلس واحد ما احط في بالبيت هذا بناءا على رغبة زوجي ... يقولي انتي صغيرة ومتعلمة حرام من هالعمر تقعدين بالبيت .. مع العلم زوجي انسان ملتزم الله يحفظه ..
بشهادة الجميع وأهمهم زوجي الحمدلله انا مو مقصرة فبيتي بشي ولا بحق زوجي أو طفلي ولله الحمد .. بعدين ياخوي ابي الفت انتباهك حق نقطتين وايد مهمين وكأنك ناسيهم :

1. ظروف الحياة تغيرت ولازم أي اثنين متزوجين يحسبون حساب الزمن ويوفرون لأطفالهم حياة كريمة باجر الأطفال بيكبرون يبون تعليم جامعي ويبون ويبون ... طيب هذا الرجل المسكين مكتوب عليه ان يشتغل 3 وظايف باليوم ويستهلك نفسه عشانيوفر هذا كله ... لا والله أساعده وأساعده كافي اذا احتاج شي أو لاقدر الله صار عندنا ظرف طارئ يلجألي.

2. احب افيدك ان قعدة المره بالبيت تجيب الملل والملل يجيب مشاكل تلاقيها قاعدة وتدور مشاكل وأول ما يوصل هالمسكين من الدوام مبوزة وتنفجر بوجهه انا طول اليوم محبوسة بهالبيت انت ماتحس فيني و و و و و ..... وعلى فكرة هذا الكلام من واقع المجتمع ما هو كذب أو تسطير حروف.

ملاحظة : انا أول ما جالي بيبي واايد راجعت نفسي اني اترك الدوام بس لقيت ان مستقبل عيالي اهم .

وشكرا على سعة صدركم .

__________________