وانا أبحر بالنت، قريت هالأبيات اللي لقيتها تلامس جرحي والمي
ابغى اقول اللي بنفسي
ان كان الموت خير لي، ادعو ربي يعجله
ما اقدر اعيش اكثر بوحدتي وألمي
تعب وقلبي وهو يحب ناس ما تستحقه ويتخيل فارس احلامه
ارحمني ياربي


يالــس انا بوحدتي,,, اناظر قمــر هالليلــه

سهران وماخذني التعب ,,, من هالدنيا وبلاويهــا

يادمعه ليه تنزليــن ,,, وتكشفين همــوم ثقيلــه

حتى لو كنت محتاج لج ,,, مصيرج داخل خدي دفينــه

ودي اشكي همي للبحـر ,,, يمكن يغمرني بعنوانيــه

يعفيني عن بعض الكــدر ,,, ويرسم لي بسمه بامواجــه

تعودت أكون شخص كتــوم ,,, وأخفي جروحــي القديمــه

صــابر على حكم القــدر ,,, عايــش اتعــذب بويلــه

ياناس دلوني على الفرح ,,, ودي اقضي معه ليلــه

انسى همومي والحزن ,,, واسعد واهلّي بــه

لالاتظن انه قريب ,,, دمعي اقرب منه بسنين طويلــه

منهو الذي بيمسح دمعتي ,,, وينسيني الزمن واهوالــه

مسكين قلبي اللي فرح ,,, في لحظة وفقد موازينــه

عايش وسط حلم سراب ,,, قولوا له وين الحقيقــه

وسط السراب هذا مسكني ,,, لي ماتختفي هالغيمــه

ماثبتني غير رب قوي ,,, ذكرت الله وتسلحت بايمانــه

هِجْرَت طيور ومات الشجر ,,, وبقيت وحدي ادعي لــه

لازم في يوم شمس الحياة ,,, بتشرق في قلبي وبتشيلــه

تذكر دوم يا ابن البشر ,,, ان اللي خطاه ماكان ليصيبــه

لاتبكي وتقول "لو و لو" ,,, اللي اصابه ماكان ليخطيــه

جريــب بيوصل الربيــع ,, وتتفتح ورود كانــت ذبيــله

من وسط السراب حتى القبــر ,,, اذكروني بذكرى جميلــه

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح