جزاك الله كل خير على حرصك على إنك ترضي زوجتك بكل غالي و نفيس
أخي الفاضل : كل شئ بالمحاولة و التعود يتغير ،، حاول في الأول الإنصات لها و هي تتحدث و حاول التعليق على بعض النقاط حتى لو كانت بعيده عن صلب الموضوع لكنها محاولة لتتعود على مشاركتها الحديث
كنت مثلك أخي الفاضل ، تربيت في بيئة مغلقة علي و على والداي (حفظهم الله لي) و إخوتي في بلاد غير بلدي ، و تتطبعت بالهدوء الشديد و تعودت على أني أنصت أكثر مما أتكلم لكن بعد عودتي لبلدي وجدت نفسي مهملة من كل من حولي لأنهم بالطبع يحبون من يشارك معهم في الأحاديث و ليس المنصت فقط
و عندها بدأت أعلم نفسي بنفسي ،، لم أكن خفيفة الظل أو صاحبة نكتة زي ما بيقولوا لكن شوية شوية بدأت أتعود و كمان بدأت أحفظ بعض الجمل ممن حولي لأقولها في المواقف المشابهه و واحده واحده بقة ليه الطابع الخاص بي
صحيح لسه مش اتعالجت من الموضوع ده 100% لأني أفتكرإنه صعب شوية ، لكن بحاول
زوجي مش بيحب يتكلم كتير لكن بيحبني أنا أتكلم كتير و أحكيله على كل شئ بالتفصيل الدقيق و كان صعب عليه جداً التطبع بالطبع ده لكن حاولت و لسه بحاول علشان أحاول أرضيه
بواجه كمان مشكلة إنه لما بيكون زعلان ببقى عاوزة أفتح أي موضوع علشان أتبادل معاه أطراف الحديث و أقدر أصالحه لكن ساعتها و فجأة بحس إن دماغي فاضية تماماً و مش في أي موضوع ممكن أتكلم فيه
لكن صدقني بقيت آخد أي كلمة تيجي في بالي و أعمل منها موضوع ،،، مرة آخر ما زهقت و مش لاقيه أي موضوع .. لقيت نملة ماشية في الأرض صرخت و قلت نملة يالله كبيرة أوي .. تصدق كان ممكن تقرصني ،
و كلمه على كلمه بقى موضوع و من موضوع لموضوع ... و هكذا
صدقني كل شئ بالمحاولة بيتغير بس المهم الصبر و المجهود و العزيمة .. و أفتكر إن هدفك ما شاء الله عظيم و هو إرضاء زوجتك رضاكم الله بالجنه إن شاء الله