ذا تبغي رايي،،وعن تجربه

خذي اقل ما يمكن معاك من الاحتياجات الضروريه لانك انتي مو رايحه صحرا او منطقه مقطوعه انتي رايحه مكان متطور فيه سكان فبالتالي رح تلاقي كل شي تبغيه هناك الا الحجابات خذي حجاباتك من هنا لانه هناك مارح تلقي شي يناسبك..
طبعا ميزة العفش القليل انه اسهلك في المطار سواء بالتفتيش والحمل وكذلك مسئوليه اقل عليك..
واذا هناك وصلتي بالسلامه لمقر السكن روحي لاقرب سوبرماركت واشتري اغراضك منه..

لازم يكون معاك شنطة يد صغيره بايدك تحطي فيها جواز سفرك + جوالك ولازم يكون فيه خدمة التجوال الدولي+ نوته فيها اهم الارقام وخصوصا رقم السفاره حقت بلدك هناك+ مبلغ مالي بسيط+بطاقة صراف. وهذي الشنطه تحطيها بين عيونك لانها اهم شنطه..

بالنسبه للادويه خذي معاك ادويه للحلق والزكام والصداع والحراره وكمان دوا للاسهال اهم شي دوا الاسهال صدقيني وانا افضل انك تاخذيها من بلدك لانه بايامك الاولى رح يكون صعب عليك تتفاهمي مع الصيدلي..

لاتنسي المصحف وان شاء الله محد رح يلمسلك هو ولا تخافي من الاجانب رح يعاملوك بكل احترام طالما انتي محترمه وكوني بشوشه وانصحك نصيحه لا تقبلي اي مساعده من اي عربي ما تعرفيه لانهم اغلبهم يكونوا حراميه واستغلاليين.


بالبداية الفتره اول كم شهر رح تحسي بغربه او احساس يسموهhome sick والدنيا كئيبه وودك باهلك وبيتك وبلدك لكن حاولي تتجاهليه وشوي شوي رح تنخرطي بالمجتمع..

توكلي على الله وان شاء الله ترجعيلنا بالسلامه وانتي معاك الشهاده وتحكي فرنسي

__________________