بسم الله الرحمن الرحيم

السلام عليكم ورحمة الله وبركاته

انا اختلف معك بهالنقطه اخوي ان قله السنع من اسباب الطلاق
يمكن لشريحه معينه بس الغالبية لا
انا من نطاق عملي واختلاطي بشرائح متعدده من المجتمع ارى ان الغالبيه تعتمد على الخادمة في كل امور المنزل
اعرف وحده الله يهنيها ويبارك لها ويرزقها بالذريه الصالحه البيت للنوم فقط والا التنظيف للخادمة الاكل ببيت اهلها ولهم سنوات على هذا المنوال وليس هي فقط بل غالبيه اهلها بهالشكل
كما اعرف فتاة قريبه الزواج كانت ممتازه في اعداد الطعام وترتيب المنزل تزوجت اصبحت كل يوم عند اهلها هي وزوجها يأتون للغداء او العشاء حسب الصحيان من النوم
اللي اشوفه ان شبابنا هم الاساس يجي يخطب يقول ابيها بيضاء طويله وشعر ناعم وطويل >>> وهو اللهم لك الحمد والشكر مافيه من الزين قطبه
لا وزياده موظفه علشان تساعده في المصروف
مامره سمعت ان رجال طلب ربه بيت او طلب انها تكون طباخه بريموا
اتوقع الرجال اول مايفكر لين جاء يتزوج يفكر بالوجه اللي يقابله بعد مايتعود على الشكل خلاص يبدأ يكفر ببطنه بس وش عقبه بعد مايطيح الفاس بالراس
وجهة نظر تحتمل الصواب وتحتمل الخطاء