والله ياأخوي غريبة.. ومن حق أمك تشوفها الا لازم تشوفها
الحين دخلت عليك انت يالرجال والحرمة تستحي منها!! انا ماظنيت أنه حيا أبد.. الله اكبر تعتبرها جارتهم مثلا
بقولك شغلة اخوي لما خطبنا له اولا شفتها مع امي ثم هو راح شافها
يوم تملكو وبغى يروح اخوي يلبسها الشبكة قالت امي بنجي مع ولدنا قالت امه والله البنت تستحي ماله داعي تجون خلاص هو يجي وبس!
قالت امي نبي نشوف ولدنا وهو يلبسها الشبكة بنجي بنجي << تعجبني أمي
ورحنا وأخواتي وطار اخوي فينا لأنه كان شايل هم اول دقايق بيجلس معها ولطفنا احنا الجو معه
تبي رايي ياأخوي تدق امك علي امها وتقول والله الولد يقول روحي تعرفي على أهلها وشوفي البنت واهلها
وترى هذا زواج وتقارب بين عائلتين لازم نشوف بعض وابي أشوف مرة ولدي
صدقني بتخاف امها انك تهون وتقنعها!! وخل امك تصر على كلامها
ياعمري اميمتك حاسة فيها والله تلقى قلبها يفرك ودها تشوفها مالومها والله
واذا ماضبطت هالطريقة خلها تروح للدار وتسأل المديرة عنها عااااااااااادي ماهو عيب ابد وتشوفها لو من بعيد << مع ان الحركة الأولى أفضل في حق امك
وان شاءالله تشوفها وتعجبها وربي يسهل عليك وعلينا ياحي ياقيوم
__________________
اللهم لك الحمد والشكر
"ولئن شكرتم لأزيدنكم"