الاخت إشراق
اتمنى ان تكون عندي صديقه مثلك فعلا انتي مثال للصديق الصالح الناصح وفقك الله معها واثابك على حسن نيتك مع صديقتك صاحبه المشكله
بالنسبه للمشكلة انا اعرف تمام ماتشعر به صديقتك وقد لامسته بنفسي مع اقرب صديقاتي المشكله ان صديقتك تعاني من الفراغ العاطفي الذي لم تجده الا عند ذلك الشخص الذي اعطاها ما لم يستطع زوجها ان يعطيها !!
سامحه الله !! يقرف من قبله ؟؟ وشدعوه لهالدرجه !!
شوفي الحل انك في البدايه تذكرينها ان الحاله اللى تمر فيها ابتلاء من رب العالمين
ثاني شي لو كان هذا الشخص يحبها فعلا لما رضي في الاساس على خراب بيتها !!
ثالث شي خليها تتخيل لو اكتشف زوجها هذه العلاقه وش راح يصير
خليها في داخل نفسها تحط حبيبها في كفه وزوجها وعيالها في كفه ثانيه وش تختار فيهم؟؟!!
ذكريها ان الحب اللي في الظلام ضيااااااع لا تقول يحبني ومايقدر يعيش بدوني والله العظيم وشوفي اقسمت لك بالله ان بهالزمن الرجال يبكي ويقسم بالله وهو كااااااااذب !!
خصوصا في الانترنت !!
صار وسيله مشكوفه وعلاقات مشبوهه ووسائل الاعلام صارت توعي الناس بالهشي مو زي اول !! الناس زااادو والمسخره كثرت !!
لي صديقه زي صديقتك من عيله ومتدينة واهلها مايزوجون بناتهم من برا !! حبت واحد من النت
3 سنوات وهي تعرفه في البدايه اخوه واحترام وبعدها قلب حب وغرام والنتيجه
رفضت كم واحد عشان عيونه على امل انه يخطبها من اهلها اللي احتمال اصلا مايرضون
بكي لما عرف انها انخطبت !! اشكال الكذب والتمثيل !!
مسلسل وفلم هندي انه يحبها ومايقدر يعيش بدونها بس ماراح يوقف في سبيل حياتها !! بس هو متمسك ومن هالكلام !!
وبالنهايه تخيلي
طلع متزوج وعنده عياااااااااال وفوق هذا كله طلع كذاااااب حتى في اسمه واسم عايلته !!!
تخيلي حبت انسان ماتعرف وش اسمه !! كل شي معاها بناه بالكذب والخداع !!
عموما هي الحين متزوجه ومتأسفه على كل لحظه او ثانيه قضتها معاه !!
قولي لها اولادك وزوجك ابقى هذا الشيطان يوسوس لك !! ويزين لك الاثم والخيانه
قوليها ان رب العالمين منتقم بكرا زوجها المتدين ينحرف او يتزوج وحده ثانيه وتضيع هي وعيالها !!
او احتمال يدري بالعلاقه اللي بينها وبين حبيبها وتنفضح في عينه وعين اهله واهلها ووقتها مستحيل يسامحهااااااا !!
قولي لها اذا ماتحب زوجها تطلق منه احسن !!
ولا تدفعه فواتير وهي تكلم غيره !!! هو يشتغل ويجيب الفلوس وهي تصرفهم على غيره !!؟؟
ادعي الله من كل قلبي يخلصها من مصيبتها وكل اللي زيها ويستر على المسلمين
آسفه على الاطاله
أختك
أسيل
التعديل الأخير تم بواسطة أسيل ; 16-02-2004 الساعة 01:29 PM