السلام عليكم ورحمة الله وبركاته....الحمد لله أخواتي ولدت بالسلامه وجبت بنت زي القمر...وهذي قصة ولادتي..بدأت الالام الساعة 7 صباحا على خفيف الم في ظهري زي الم الدورة بالضبط وكان يجي كل خمس دقايق...خفت وكلمت أختي وسألتها هل هذي ولادة ولا لا؟؟ فقالت ممكن تكون بس لا تستعجلين وتروحين الا اذا زاد الالم أو نزلت مويه ولا دم....والساعة 9 نزل على دم خفيف وخفت مررره قلت شكلي بولد... وزوجي كان في العمل ماهو عندي وعمله بعيد وكان بيجي ذاك اليوم ولما حسيت بالام اتصلت عليه وما قلت له شي خايفة انه يسرع ويحصل له شي...ولما نزل معاي الدم خفت وارسلت له رسالة لاتتأخر.. تراني تعبانه...وأول ما قرأها قال أكيد تمزح معاي....واتصل علي وسألني قلت له اني ما امزح...بس الالم معاي خفيف...وبعد ما جاء الساعة 11 ونص رحت الى المستشفى وقالت لي الرحم مقفول...ويمكن يكون طلق كاذب...ورجعت البيت والالم كل خمس دقايق...وطبعا من الالم مانمت الصباح... والظهر انام بين كل طلقة والثانية واصحى...الحمد لله على كل حال...وصبرت وصبرت وقلت ماني رايحة المستشفى الا اذا قلت المدة بين كل طلقة والثانية....وصبرت الى الساعة 2في الليل وصحيت زوجي وقلت له خلاص ما عاد اصبر والالم اصبح كل ثلاث دقايق...طبعا هو ماشاء الله عليه يصبرني ويقول لي لسه بدري لا تستعجلين...لكن خلاص في ذاك الوقت قلت له خلاص بروح اشوف ورحت المستشفى وكشفت علي وقالت فاتح 1سم..والولادة بكرة الصباح...وقالت لي امشي كثير علشان يفتح بسرعه...ورجعت البيت وماقدرت امشي من الارهاق نفسي انام لكن من الالم ماأقدر...وكنت طوال الليل جالسة على كرسي وأنام كل خمس دقايق واصحى...وأقوم الف في البيت شويه وارجع انام..سبحان الله ماقدرت انام على السرير احس ان الالم عليه يزيد...والدم يزيد علي وصبرت الى الساعة 7 الصباح وبعدين رحت المستشفى ودخلوني غرفة الولادة والساعة 9 ونص ولدت وجبت بنت قمر ما شاء الله عليها.... وسبحان الله بس تشوفين البيبي خلاص تنسين الالم كله من فرحتك فيه... والحمد لله على كل حال....