مممم,, بعدني ما تزوجت و لا صار عندي أطفال يتهاوشوووون... الله يرزقني ادعولي..
المهم مالج بالطويله..
مره أخوي كان رايح يصلي المسجد..
و تعاونوا عليه بعض (أصحابه) .. بالشتم و السلوكيات المشينه..
طبعا أمي انصدمت .. أولا هذيلي زملاء و أصدقاء الطفوله..
و ثانيا راجعين من المسجد أخلاقهم المفروض تكون طيبه..
طبعا الوالده عصبت و بدت بتوبيخ أخوي .. لأنه كان يبجي..
و قالت له بالحرف: "إلبس نعالك و روح بيتهم .. خبرهم أبي أمكم.. و لما تظهرلك .. قولها ولدج فلان ضربني و أنا راجع من بيت الله"...
طبعا إخوي الله يهديه جبان.. فما راح..
و عاااادي ولا كأنهم صارت بينهم مشكله.. تصافوا ..
يعني خلاصه: مممم...
قارني معاي.. طيب؟
ولدج عمره 5 و اللي ضربه عمره 7 .. فرق سنتين .. و تحسين بقهر كيف الأكبر يضرب الأصغر!!
تخيلي انت سائج اللي صار و قمت ضربتي اللي ضرب ولدج ..
الولد عمره 7 و إنتي عمرج (...) و الفرق (...) ,,, أم الولد شو بتحس؟؟؟؟ و شو بتقول عن تصرفج انتي العاقله يا أم العيال تضربين واحد بسن ولدج..
يعني الخلاصه .. هم اللي يتضاربون خل يتصافون بينهم و بين بعض.. و نحن ما علينا غير النصح الطيب,, مهما كان هم أصدقاء و نحن لازم ننمي صداقاتهم و نقومها مب نهدمها..
__________________
اللهم ارزق إخوتي زوجات صالحات و أخواتي أزواجا صالحين عاجلا غير آجل يا رحيم..
"علمت أن رزقي لن يأخذه غيري فاطمأن قلبي"