منتدى عالم الأسرة والمجتمع - عرض مشاركة واحدة - ما هو أصعب موقف مرَّ عليكي وأنت مخطوبة؟؟؟
الموضوع: ما هو أصعب موقف مرَّ عليكي وأنت مخطوبة؟؟؟
عرض مشاركة واحدة
قديم 25-12-2006, 03:03 PM
  #1
ملَك شادي
عضو متألق
تاريخ التسجيل: May 2006
المشاركات: 6,393
ملَك شادي غير متصل  
Unhappy ما هو أصعب موقف مرَّ عليكي وأنت مخطوبة؟؟؟
السلام عليكم ورحمة الله وبركاته ...

مرحبا بنات

كيفكو؟؟؟

اليوم كنت بتزكر هيك وبقول انو الانسان بحياتو مواقف صعبة كتير

وتزكرت اصعب موقف مر بحياتي وكان وانا مخطوبة وانا بعتبرو اصعب موقف بكل حياتي مش بس بخطوبتي

وهوة::::

ليلة سفر خطيبي

كانت اصعب ليلة واصعب شي مريت بي بكل حياتي فعلا

يومها كان مش طبيعي بجد

من وقت م اجا خطيبي اول مشفتو صرت اعيط

وبقيت هيك لغاية مروح

بلا توقف

واصلا قبل السفر ب10ايام هيك شي كنت كل يوم يجي علية وكل يوم ابكي بس ابكي واسكت وارجع ابكي

بس ليلتها

ماقدرت ماقدرت ابداااااااااااااا اسكت ولاثانية

عارفين من امتى لامتى بكيت؟؟؟مش حتسدقو

من الساعة5للساعة12 !!!

7ساعات متواصل

شكلي بيقطع قلب اليهودي

وخطيبي المسكين كان مش قادر يتحمل

وطول ال10ايام كمان لماابكي ينحرق علية حرق

وكان شكلو واضح انو على وشك الانهيار والبكاء وهوة قلي هيك فيما بعد كان يكون بدو يبكي خلص بس كان

يمسك حالو عشان يخليني اهدى واتقوى بيه

بس كان يحاول يهديني

اما ليلتها ماقدر

وصار يبكي معي ويحكيلي حبيبتي الله يخليكي لاتبكي والله دموعك عندي اغلى من حياتي

انا شفت دموعو

قلبي صار نار احترق اكتر واكتر واكتر

وبقيت هيك للساعة 12

ولما روح كان شكلي مثل الاموات...

تاني يوم صحيت اتصل فية وكان خلص حيركب السيارة ويسافر


ولماحسيت انو خلص حيطلع من البلد

قعدت مع حالي بغرفتي زي المصدومة وزي الحالة النفسية

اجيت ابكي

للاسف مالقيت دموع

من كتر مبكيت قبلها بليلة حسيت عيوني قربت تنعمي

صرت اهلوس مع نفسي

واحكي (..... سافر ؟معقول حيتركني ومش حيجي كل يوم زي دايما)

وصرت مش متحملة ومن الصدمة ساكتة وسرحانة

ويومها العصر قعدت عالشباك الي كان يطل عالشارع الي كان يجي منو

هناك كنت استناه دايما استنا طلتو من اول الشارع عشان انزل استقبلو

تخيلو يوم السفر قعدت هناك وصرت احكي


((( اااه حبيبي حيطل كمان شوي)))

بعدين رن الانتركوم لوهلة وللحظة خيُّــل لي أنو هوة وشوي كنت حقوم اجري افتحلو

بس تزكرت

وحسيت بالنار تاااااكل قلبي وعقلي وروحي وكل اشي


اييييه


ومن يومها لحتى اليوم هادا

وانا قلبي مكسور ومجروح بغيابو

وكل يوم حرقة قلبي بتزيد

وبدعي الله يجمعني بيه قريب

الانتظار قتلني


تصوروا انو مع مرور كل هالاشهر الا اني احيانا فعلا بكون مصدومة وبقول معقول سافر؟؟؟معقول انا عايشة من غيرو


اسفة يمكن حزنتو علية؟؟؟

تسدقو يابنات والله دموعي نزلت هلأ؟؟؟

ومن قلب قلبي ادعي ان لايشعر أحد بما شعرته من الم الفراق وبما مازلت اشعر به لانه احساس مر وصعب ومؤلم جدا

ولااتمناه لاي احد في الدنيا

.
.
.
طيب هلأ بدي اسال كل وحدة فيكو

ماهو أصعب موقف مر عليكي في خطوبتك ؟ احكيلنا اياه بالتفصيل؟ وهل هوة اصعب شي مريتي بيه بحياتك او فيه اصعب منو؟؟؟

والله يجمع كل وحدة مع خطيبها زوجها قريب

دعواتكم لي بظهر الغيب

ما شاء الله لا قوة إلا بالله تبارك الله

تنبيه: الاخت الفاضلة يرجى الابتعاد عن اللهجات العامية قدر الامكان
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت
التعديل الأخير تم بواسطة sunshine545 ; 25-12-2006 الساعة 10:36 PM