تعبت حتى من اسمي !
السلام عليكم
اخواتي اخواني في هالمنتدى الطيب
جيتكم اليوم و أنا في اسوأ حالاتي
كارهة نفسي و كارهة كل شي
تعبت و الله ؟؟
تعبت حتى من التفاؤل
انصدمت امس يوم اكتشفت اني اتعامل مع ضيقي كهم ابدي دائم ما له نهاية
و جالسة احسب حسابه في كل مرحلة من مراحل حياتي
انصدمت مرة يوم اكتشفت إني ما افكر إنه مؤقت
و إني مو حاسبة حساب الفرح ابداً بحياتي
مدري وش اقولكم ؟!!!!!!!
بس صدقوني
احس
خاارت قواي
ما عاد فيني قوة على ولا شي
فكرة الموت
تروح و تجي
غصب عني !
حتى لو حاولت ابعدها عن خيالي
مااني شايفة غيرهااا للأسف
تعبانة مرة !
إذا نمت و صحيت أول شي يجي ببالي همي
احس بوحدة
احس إني عايشة بلحالي
و محد شايل همي غيري
و لا احد حاس فيني غيري
و لا احد مقدر صعوبة وضعي غيري
صعبان علي حالي و الله ..
كل الي حولي من صديقات و اخوات
كلها كم سنة و كل وحدة تتزوج و تروح ..
و ببقى أنا لحالي
ماااااا ادري وش اقول !!
بس للأسف إكتشفت إني يائسة
غصب عني !
ودي اقوي إيماني بربي
ودي اتوكل عليه و أرمي همي و خلااص
تعبت من الهم و الدموع و الألم و الحسرات و العبرات
ودي اتعلم أصير واثقة بربي
مؤمنة برحمته
و ما اشيل هم
بس مو عارفة كيف ؟
احيان اصير مقبولة من هالناحية
و الغالب لاا
بس ما حصل و رضيت عن نفسي أبداً
حنا بأيام العشر
و يوم عرفة قريب
إن الله مد في أعمارنا
ودي احسن حالتي الدينية
حاسة بتبلد قبيح
كل الي اسويه اصلي و بس
حتى الأذكار نادر اتذكرها
و حاسة بإنكسار جواي
و ضيق ماله نهااية
اترك المجال لكم