أشكركم جميعا وجزاكم الله ألف خير والله يوفق كل من جاوب على أسئلتي ............. على العموم أنا إمرأه متزوجه ماني رجل ... بس حابه أسوي تشينج لحياتي الزوجيه مع أن زوجي راضي عليه قولوا ما شاء الله لكني لاحظت في زوجي كل ما أسوي شيء (طبخه _ لبس _ شياكه _ ...الخ ) يقول ممتاز أو رائع أو تهبلين أو أنت أجمل من الممثله الفلانية حتى بعض المرات ألبس لبس مضحك وبرضوه يرد واو يجنن وساعات أخربط عليه بالسواليف ويقول صح صح صادقه ما عنده رأي ما ينقد علي ولما اقول لأمي هذا الشيء تقول هذولا الرياجيل يسكتوووون لين تكبيرين ثم يطلعون يعوبكن ويتزوجون فوقكن لذلك قررت أني أبحث عن الأشياء التي تخليه يحبني أكثر و ما يلقاله حجه ليتزوج غيري والله أني لما أسمع طاري الحرمه الثانيه من أي شخص يوجعني قلبي وتلقوني أسأل عن السبب وكذا مره أرسله رساله وأقول لا تتزوج عليه مهما كانت الظروف يرد مستحييييل والله أني ما أعلم وش يدور حول قلب زوجي مدري الكلام إلي يقوله صدق أم مجامله أم يختبرني ويشوف هل أتغير أم لا وساعات أقول يمكن صدق لأنه ما عمري سمعت أنه يسب أحد أو يتكلم على أحد حتى ان أخواني دائما يضايقونه ودائما يذكرهم بالخير لذلك خلوني ألحق على عمري وأسأل الرجال المتزوجين فصعب أسأل الرجال إلا عن طريق المنتدى وقررت إني أسئلهم وأخذ العامل
المشترك >>>متأثره بالتدريس
ورح أطبق العامل المشترك من الأسئله أي رح أشوف الجواب المتفق عليه الرجال ورح أنفذه لاتقولون كييييف أنا أقول عندي الطريقه الخاصه ما رح أعلمكم << هههههه
وأشوف حياتي كيف تتغير
بس المشكله أن كلكم يحب ربة المنزل لييييييييش والموظفه وشوه ذنبها
صدقوني أن الموظفه تحس بزوجها أكثر من ربة المنزل من حيث الراتب تقدر الواحد كيف يتعب علشان يحصل على الراتب وتعرف قيمة الفلوس إلي يدفعها زوجها وتعرف كيف تقتصد فيها وكمان تحس بتعب زوجها الجسدي وكذلك تحس بأيام الإجازه مع زوجها ماهو يوم الإجازه هو نفسه يوم العمل وما أقول الكلام لأني موظفه ..لا أبشركم سويت أستبيان وطرحت أسئله وعرفت النتائج السابقه
بالنسبه لسؤال الخامس من يريد السؤال يرسل لي رساله عبر الخاص لأنه سؤال حساس جدا لذلك حذف <<<< مالي دخل



والببببببببببببببببببببببببببببببببببببببببببببببا قين وين أجوبتكم هاااااااااهه لا تخلوني أزعل عليكم...............
أشووفكم بعد أسبوووع لأني مسافره وأدعوا لي أني أوصل بالسلااااااااااااااامه والله الله بيوم عرفه أستغلوه بالطاعه والعباده وأدعو ا الله أنه ينصر أخواننا المسلمين في كل مكان على أعدائهم وأنه يهدي شبابنا وشباب المسلمين
وأن الله يخلفني في مصيبتي (موت ابني ) ويعوضني خير منها تكفووون أدعوا اني أنجب ولد ولا تنسوني من دعائكم . والله يوفقكم أجمعين