اهلا اهلا

بالنسبه لي ومو مدح بنفسي والله يعلم

الطبخ : اعرف شويه مو كثير امي الله يحفظها مو مخليتني وحتى خواتي الكبار مو مخليني مايبوني اطلع من البيت

واروح لبيتي الثاني ان شاء الله الا وانا متعلمه صح


الغسيل والكوي والتنظيف مقدور عليهم


التعامل مع الزوج : نفس الشي مستفيده كثير كثير من هالمنتدى .. بس اولهم الوالده الله يحفظها مو مقصره معاي بشي


حتى التعامل .. يعني لو صار شي او تجمعنا بالبيت خواتي المتزوجات اكيد راح نسولف وانا استفيد كثير منهم


والمكياج : حماتي اخت زوجي كوافيره ومو شايله هم الروحه والردهـ على دورات المكياج اهي معاي وتعلمني


والاطفال ياحليلهم . مع انه تربيتهم يبليها جهد بس والله مافي احلى منها .. لكن انا اعرف شويه بس .. لانه خواتي لو


طلعو مكان او سوق انا ماطلع اخلي صغارهم معاي وناسه ... خواتي يقولون لي وش لازمهم وكيف اتصرف اذا صار


شي لا سمح الله .. وعلى هاذا اعرف بعض الشي .. مو كل شي علشان لا تقولي امدح نفسي


صحيح انا مشغول بالي بحياتي الي جايه ان شاء الله ... حياة تختلف عن الي قبل ...ظروف غير ... اهل اول مرهـ اعيش


معهم ... بس انا دايم ادعي ربي اني اكون مرتاحه أهم شي الراحه ..


الله يسعدك ويسعد جميع امه محمد عليه الصلاه والسلام

اختك ... هموووم

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "