طيب..
إنتي الحين تقولين الحل بالزواج!
إنت تعرفين شو مسؤولية الزوج ..صح.. و إنه مو مسؤول عن أحد غيرج..
و لا تتوقعين إنه اللي رح تتزوجينه حتى لو كان غني.. إنه ممكن يصرف على أسرتج..
طيب.. تقولين متزوج .. يعني عنده زوجه ثانيه.. يعني لازم تتوقعين المشاكل تكون موجوده..
لأنه الزوجه الأولى مارح تخليج في حالج . افرضي لا سمح الله.. صار شي و انفصلتي عن هالزوج..
وين بترجعين؟!! أكيد بيت أبوج.. تخيلي معاي.. شو رح تكون ردة فعل الوالد؟! رح يتقبلج في البيت نفس قبل؟!
أنا اللي أبي أقوله الحين.. نحن في مصيبه و رح نكون في مليون مصيبه إذا تهورنا..
مو دايما الزواج فيه الحل.. بالعكس ممكن تزيد المشاكل عن قبل..
شوفي يا كبريائي.. الحل الوحيد إنج تنسين هالهموم كلها و تقفلين عليها في مكان ما توصلين له..
أمج أمرها هين.. قوليلها كلمة طيبه.. و بوسيها .. رح تحن عليج .. أولها و آخرتها هي أمج.. و أكيد تتمنالج السعاده..
الحين لازم بس تفكرين في الدراسه.. و شدي حيلج..
و تقدرين تشتغلين في وظيفه براتب جزئي في الجامعه نفسها .. إسئلي أكيد رح تلاقين..
أنا كنت محتاجه في يوم .. و رحت إشتغلت بدوام جزئي و كنت أدرس في نفس الوقت..
كنت أحصل فلوس تساعدني أشتري كتب الدراسه.. و اكتسبت خبره أضفتها للسيرة الذاتيه..
و بعدين اشتغلت على مشروع .. و عطوني مبلغ طيب .. لو ما كنت محتاجه ذيك الأيام ما كنت دورت على وظايف وقت الدراسه.. و سهل لما تكون الوظيفه في الجامعه.. يعني بين المحاضرات..
و بالنسبه للوالد.. أحسن حل إنج تتأقلمين .. إنت ما تقدرين تفرضين عليه إنه يتغير..
خلاص أصلا المفروض تأقلمتي من زمان..
الحين بس فكري في شيئين..
-الدراسه .. و حطي جدول للمذاكره .. كل يوم ماده عالأقل.. استغلي الوقت..
- و الوظيفه.. ابحثي .. اسئلي .. و اتصلي .. سوي كل اللي تقدرين عليه..
و طمنينا عليج ... بالنسبه للحلول الثانيه .. ياليت أقدر أفيدج فيها .. بس صعب هنيه..
رح أسأل إذا في إمكانيه في عالم الرسائل الخاصه..
الله يهون عليج و يفرج همج يااا رب..
__________________
اللهم ارزق إخوتي زوجات صالحات و أخواتي أزواجا صالحين عاجلا غير آجل يا رحيم..
"علمت أن رزقي لن يأخذه غيري فاطمأن قلبي"