حبيبتي و يبقى ...
كنت أترقب أخبارك.. لعل في آخر خطبة كان القبول..
لكن الجواب باين من عنوانه <<< مثل ما يقولون اخوانا المصريين..
فعلا نحن أي كلمة عن هالموضوع تحسب ضدنا .. ما أدري حقيقة ليش!!
آخر مره أمي رفضت فيها اللي تقدم لي.. رفضته من كيفها بدون سبب !!
حتى ما في أحد يدري بالموضوع .. حتى أبوي ما يدري.. ما كان عندها سبب كلش..
تشجعت شوي.. و قلت لها و أنا مصدومه .. ليش رفضتيه .. بعدنا ما شفنا خيره من شره؟!
ردت علي بابتسامه بااااااااااااااااااااااارده.. أنا مابي أعطيج لواحد من بيوت المنطقه الفلانيه!!
طبعا أنا ثرت و عصبت .. و شديت على نفسي شوي و تجرأت .. قلت لها كان المفروض ما ترفضين.. استعجلتي يا يما..
قلت لها : ترا مو كل ما يجي واحد ترفضونه بسبب و بدون سبب.. تضمنين إني ما أعنس .. تضمنين إنه يجيني غيره؟!
طبعا كان أسلوبي بصيغة العتاب.. و الرد من الوالده .. ابتسامه مع خجل .. و جهها صار أحمر..
و بعد تجرأت مره ثانيه .. لما أختي سألتني بشو أدعيلج في الحج.. قلت لها بصوت واضح و العايله كلها موجوده..
بالزوج الصالح!!
و ما همني أحد . و شو رح تكون ردة فعلهم..لأن هذي حياتي .. و القرار بالأول و الأخير لازم يكون لي..
عسى بس الوالده تكون تعلمت من هالدرس شي..
الله كريم..
__________________
اللهم ارزق إخوتي زوجات صالحات و أخواتي أزواجا صالحين عاجلا غير آجل يا رحيم..
"علمت أن رزقي لن يأخذه غيري فاطمأن قلبي"