بصراحه يااخت جوري انا اول ماشفت الموضوع حسيته انه مفصل علي تفصيل
وراح اقولك ليش؟؟؟؟؟
اولا انا نجدي شمري وبما انك قبيليه تعرفين عاداتنا وتقاليدنا ..طبعا قبل كل شي بعض الاخوان والاخوات ذكروا انه لازم اخوانك يدرون او يكونون على درايه..انا راح اجاوب عن اختي جوري...يااخوان ويااخواتي هذا من سابع المستحيلات عندنا انه وحده تكلم شخص حتى لو كان غرضه شريف....لاتغضبون علي!!!!هذي مش وجهة نظري هذا مجتمعنا وانا مااقدر اربي ناس او اغير طريقة تفكيرهم اللي ولدوا عليها بالفطره..انا مجرد اني اتكلم على موضوع انه عروس المستقبل المفروض اني اكلمها اعرف طريقة تفكيرها..تنفتح علي جبهة حرب ومن اكثر من اتجاه وكاني ارتكبت كبيره من الكبائر......وبصراحه استغرب من رد اختي شوبارد لما ذكرت انه اخو زوجة اخوها عطى الرقم لاخوها قبل الزواج وقال كلمها ...لانه هذه في عاداتنا مستحيل.....الا اني اقووووووول انه هناك قبايل تختلف عن بعض...بعض القبائل ربما تكون اكثر تشددا مثل قبيلتي....وربما بعضها تكون اقل تشددا مثل قبيلة شوبارد ....
لذالك اختي اذا كانت قبيلتك اقل تشددا ...فحاولي مع اخوانك مو غلط ولا هو عيب
اما اذا كنتي من جماعتنا فلا تحلمي والافضل انك ماتفتاحين اخوانك على اساس ماتفتحين باب عليكي انتي بغنى عنه....
الان نرجع لجوهر الموضوع(ماعليه اختي خليني افضض لانه هالموضوع يمسني انا على وجه الخصوص ومن هم على شاكلتي)
حنا ثلاث شباب اخوان وكلنا ولله الحمد جامعيين وماعندنا خوات بنات.....اخوي الكبير تزوج بالطريقه التقليديه واخذ
بنت عمي وعايش حياته الرجال والظاهر انه مستانس وماادري اذا كان يمثل والا لا!!!!
بالنسبه لاخوي اللي اكبر مني وانا مازلنا عزاب.....
راح اتكلم عن نفسي هنا....لو تنطبق السما على الارض ولو اصير راهب ومااتزوج....ماراح اتزوج بالطريقه التقليديه .....السائده عندنا
انتي تدرين يااختي واقسم لك بالله حتى النظره الشرعيه عندنا ممنوعه....حتى شرع الله يمنعونه ويفضلون العادات والتقاليد عليه....واقسم بالله ماناقصني شي واقدر اتزوج اربعه بدال الوحده..لكن دام هذي طريقة اهلي بالزواج فتبن للزواج......
خالاتي وامي قبل العيد يهمسون باذني واذن اخوي ..بنت فلان اتجنن ماشاء الله عليها اميره...وخالتي الثانيه تقول اذا شافت وحده حلوه بالتلفزيون ..والله مثل خشم فلانه...والله نفس الشعر....والله نفس الطوووووووول..ونفس ونفس ونفس...
طبعا كله تلميح لبنت فلان...واذا جيت وقلتلهم طيب ..ممكن اشوف بنت فلان تحت رعايتكم الكريمه..قالوا::لا يبه عيب ..بنات الناس مو لعبه!!!!!!!!!!!! تخلف متعشعش بفسيفساء مخنا....واذا فرضنا جدلا اني وافقت اشوفها شوفه شرعيه طبعا بعد موافقتهم..وكان شكلها حلو...طيب كيف اعرف منطقها بالحياة وطريقة تفكيرها
يمكن تطلع مهبوله ولا خبله ولا متخلفه ولا سطحيه ولا متكبره ولا تافهه ولا سخيفه
بصراحه ماابي اتزوج وحده (شغل حظك نصيبك) هذا زواج مش لعبه..لازم اعرف الطرف الثاني وطريقة تفكيره....ردت علي خالتي وقالت..ياوليدي هذي خريجة علم نفس ..يعني بنت جامعيه
قلت لها وخير ياطير....وجامعيه ..ياما جامعيات فيهم من نقص العقل وطريقة التفكير....وياما بنات اعتمدوا على ثقافة المنزل والكتب المنزليه...ولما تتكلم تحسينها دكتووره.........
بعدين حتى علشان البنت نفسها...لازم تكلمه تعرف طريقة تفكيره مستوى ثقافة..تعرفه سخيف ولا جاهل ولا عقله صغير ولا قد المسؤوليه .وولا ولا ولا..........
فالكلام اذا كان في اطار شرعي من صالح الاثنين...مش لمصلحة طرف على حساب اخر.........
انا اسف اختي جوري اذا توترت شوي وكانت طريقة كلامي قاسيه لكن والله من حرر مافيني....
تصدقين واكثر المتضرر من هالوضع حنا الشباب ...رحنا وطلعنا خارج المملكه ودرسنا ورجعنا واختلفت طريقة تفكيرنا ضمن ظوابط شرعيه...يعني ماجينا من برا وجبنا معانا عادات وتقاليد سيئه..بالعكس استمرينا في حفاظنا على عاداتنا وتقاليدنا...ولكن طالبنا بحق شرعي.....والمصيبه والطامه الكبرى انه شباب مجتمعنا اذا شافوا هالفئه من الشباب يتكلمون بهالطريقه قالوا ::هذولا متحررين...!!!!!!!!!!!!!! تخيلي قمة التخلف
نحاول نفهمهم انه هذا حق شرعي ولكن للاسف عبث عبث عبث..كانك تكلم جدار.
لذالك اختي والله العظيم اذا كاتب كتابه عليكي مافيها شي انك تكلمينه انتي زوجته وبالعكس...والله اعرف شباب كاتبين كتابهم ويكلمون زوجاتهم وربي احلى لحظات ..على الاقل تغازل مااحل الله لك....مش ترووووووح..... الخ!!
وطلبه ان يعرف طريقة تفكيرك حق شرعي هذا..مع احترامي لك يعني وانتي مثل اختي...يعني اذا انتي دكتوره هذا مايشفعلك انك تكونين كامله..واذا هو يحضر للماجستير بعد مايشفعله انه يكون كامل....ربما تكتشفين امور تمنيتي من الله انك تكتشفينها قبل الزواج فيه.....ويمكن هو يكتشف امووووور وهذا حقه بعد...
بصراحه الشاب هذا انا حاس فيه...وربي حاااااااااااااااااااس فيه..مسكين يتعذب الحين ماينام الليل...
على الاقل لما تكلمينه ممكن انه يرتاح ويكون صوره عنك....واذا عجبتيه بطريقة تفكيرك ومنطقك بالحياة صدقيني راح تعيشون اسعد ايام حياتكم...حتى موعد الزواج اتوماتيكيا راح يتقدم بفعل فاعل هههههههههه
واسال الله سبحانه انه يجمعكم مع بعض.....وحلو اثنين من نفس المستوى الثقافي يتزوجون بعض واثنينهم نفس طريقة التفكير
والفال لي ان شاء الله......................بس مش الحين..................بعد ماانسى ارقى واعذب واطهر قلب عرفته بحياتي
__________________
