أخواني و أخواتي الفاضلين و الفاضلات
قبل أي شئ أشكر الجميع على ... بالمصري ،،، على وقفتكم جنبي .. أول مرة أحس بجد إن في حد واقف معايا و أنا في المشكلة .. عادة مش بتكلم عن مشاكلي و إذا اتكلمت فبتكون بعد المشكلة ما بتخلص لكن دي أول مرة أحس بجد إن في حد معايا و حاسس بيه
شكراً للجميــــع و لدعواتهم الصادقة و لمشاعرهم الرقيقة التي لا تخفى عن أخواني و أخواتي في هذا المنتدى الغالي و الذي أصبح أقرب لي من أهلي
و أما أخواتي
بوبو80 ، النداهة ، رحيق الفردوس ،، فأحب أشكركم الأول على اهتمامكم و أطمنكم على أخباري
الحمد لله رب العالمين كل شئ بخير تقريباً لغاية دلوقتي .. حصلت بعض المشادات و المناقشات لكن شهادة الحق أني كنت أنا حادة جداً في نقاشاتي و كان هو هادئاً جداً معي رغم شدته ،، يعني شدة قراراته لكن بهدوء و بطريقة يحاول بها إقناعي برأيه
و بالمصري (للمرة الثانية)
بتلككله علشان تحصل أي مشكلة ،، يمكن علشان عاوزة أشوف آخر مرحلة ممكن يوصل معايا فيها و ممكن يكون بسبب الارتباك اللي انا فيه بسبب ضيق الوقت
أما عن داخليتي ... متضايقة جداً جداً من نفسي ،،
حاسه إن مشاعري زادت جداً من ناحيته لدرجة إنه طول ما احنا مع بعض في أي مكان مش بعمل أي شئ غير إنه أراقبه و أراقب تصرفاته و كلامه و حركاته ... بصراحة أنا لو شفت حد بيعمل اللي أنا بعمله هقول عليه مجنون
و حاسة إن مشاعري دي مش مدياني فرصه إني أتفاهم معاه في اللي كان بيدايقني ، علشان كده من أقل موقف بتكون ردود أفعالي زيادة جداً عن ما يحتمله الموقف
مازلت محتاجه لدعواتكم لأن كل موقف بيمر عليه بقعد أفكر فيه من كل النواحي و ده بيرهقني و بيزيد ارتباكي جداً
نفسي ييجي شئ من عند الله يعمل اللي فيه الخير من غير ما يكون لي يد فيه ،، بمعنى أصح نفسي يحصل الخير غصب عني سواء إني أكمل معاه أو إني أسيبه ... تقريباً دي طبيعة البني آدم لما بيكون خايف من إنه يتخذ قرار
ادعولي ربنا يصلح لي الحال و ينور لي بصيرتي