بسم الله الرحمن الرحيم
حبيبت قلبي انا قريت موضوعك من بدايه لين أخرته وعجبني جدا تفكيرك بالحل
وانا معاك فيه مليون بالميه لان الرجال مهما بلغ من قوه فهو بالآخر طفل صغير يعني لا يغرك المظهر الخارجي
نصيحتي ليك بقدما وهي بتحتاج منج جرأه وقوه في بدايه الموضوع بس تذكري انج لازم تكسرين هالحاجز البينكم وإنج لازم تستخدمي عقلك وترتاحي وتريحي أهلك من هالمشاكل كلها لان حلها بسيط وهو بين إيديك
حبيبتي هو الحين زوجك وحلالك نصيحتي لك لا تدخلين اي حد غريب بينكم اتصلي فيه وكلميه اكثر من مره ولا تكلمينه بصيغه الأمر وبعد لا تكلمينه في السوالف التخص المشاكل البينكم يعني لا تلومينه على شي سواه ولا تعصبين معاه
بالعكس إتبعي إسلوب التشويق يعني تدلعي شوي تغزلي شوي خليه يتعلق فيك ويحبك وكثري من المكالمات وحسسيه بإهتمامك فيه وإنج تحبيه ومتلهفه عليه هو زوجك وحلالك وصدقيني الطلاق مب حل و مثل ما تقولين إنه يتسم بالبساطه وطيبة القلب ومتدين وهالنقاط في مصلحتك يعني تساعدك إنك تدخلي قلبه بسرعه لانه واضح انه ماعنده تجارب مع الحريم
والحرمه تقدر تغير زوجها للشيء التحبه هي مثلا سالفه الهدايا إهديه كم هديه وعلميه إنك مثلا تستانسي يوم توصلك هديه منه حتى لو كانت بسيطه تقدرين تجبرينه يهديك شي بطريقه غير مباشر يعني بإختصار إستخدمي ذكاء وحنكة الحرمه ولا تنسي إن كيدهن عظيم والحرمه بفطنتها وغريزتها تقدر بسهوله جدا تسيطر على قلب زوجها
تقربي منه اكثر واكثر ودوووووم إستخدمي إسلوب التشويق معاه ومع الأيام راح تشوفينه هو بيركض وراك ويتمنى يسوي المستحيل بس يكسب رضاك الحينه هو ماينلام لانه مايعرفك عدل وهني يجي دورك إنك تحسسيه إنه احسن مخلوق لانج حرمته وبعد لا تنسيه إستغلي نقطه إنه متدين وذكريه إن الإسلام آمر الرجال انه يعامل زوجه معامله طيبه وتقدري تذكري ليه اكثر من مثال عن سيرة سيدنا محمد (ص) وانج الحينه زوجته وحلاله يعني اي شيء يصير بينكم حلااااااال شرعا
اتمنى اكون افدتك حبيبتي وامانه عليك لا تنسيني من الدعا بالزوج الصالح عاجلاً غير آجلاً وأن الله لا يحرمني حبيب ولا قريب
دمتِ بالف خير