السلام عليكم ورحمة الله وبركاتة
كنت عايزة اخد رأيكم فى موضوع الحب والزاوج
انا مش قادرة اتخيل نفسى انى ممكن اتجوز جوازة تقليدية ابدا يعنى عريس يجينى عن طريق حد من البلد او من الاقارب والاصحاب
انا بكرة دة وحاولت اجرب انى اقنع نفسى بان هو دة الطبيعى اللى كل الناس متعودة علية بس مقدرتش
انا رافضة ان اى عريس يجى ويقعد معاية واشوفة وكل ماحد يقولى انة فى عريس متقدملك ازعل واحزن واكون متنكدة لانى بلاقى كل العرسان جاية من غير مايحاولوا يشوفونى ولو من بعيد وكل واحد جاى عايز بنت يتجوزها ويخلف منها وتربيلة الاولاد وبس من غير مايفكر اذا كان ممكن يحبها ولا لا المهم انه يشبع رغبته منها وبس
وصدقونى انا حاولت بعد الضغط عليا من اهلى لانى على طول برفض حاولت اشوفك عريس متقدم وفعلا جة عندنا فى البيت وقعدت معاة وبتكلم معاة عن سبب اختيارى ولية هو بيفكر فى الزواج واية راية فى الحب عارفين قالللى اية!!!!!!!!
قاللى عادى واحد قاللى ان فية عروسة كويسة بنت فلان الفلانى وبتشتغل مدرسة
وقاللى انه هو مبيفكرش فى الجواز ولا عايز يتجوز بس اهلة هما اللى عايزينة يتجوز (يعنى هايتجوز علشان اهلة بس)
وقاللى عن راية فى الحب (بلا حب بلا كلام فاضى )المهم انة يتجوز ويخلف وبس
وبعدين عك معايا فى كام كلمة كدةواحرجنى بقلية ذوقة
شكيت انه يكون متعلم فسألتة عن مؤهله لاقيتة بكالريوس تجارة (بس صدقونى لو شخص جاهل كان اتكلم احسن منه)
بعد كدة اتاكدت انى مش ممكن اتجوز واحد معرفوش (مش قصدى انة لازم اكون على علاقة بية )بس على الاقل اكون اعرفة شكلا
بس ياسلام لو كنت بحبة او هو بيحبنى
ادعولى ربنا يوفقنى والاقى الحب اللى بدور علية والزوج المناسب قولوا ان شاء اللة

__________________
صاحبة القلب الحنون

لا اله الا انت سبحانك انى كنت من الظالمين