مع اني بنت بس حابه اشارك بالموضوع..

بس بوضح لكم نقطة فكرة ان البنت الصغيره تتقبل الاوامر الزوجيه وتتأقلم بسرعه غلطططط ياناس هذا الكلام منزمان الحين المراهقات مرة عنيدات ومايقدر عليهم الا اللي خلقهم وفاهمين ان الزواج سفر ووناسه وبسطة واذا تبغا تتأكد من كلامي حاول تسأل كل بنت متزوجه عمرها 18 ولا 17 قلها كيف الزواج مبسوطه؟؟ بتقول خياس وزهق وطفش ووو..

لانها مراهقه او بالاصح طفلة وماتعودت على المسؤولية وخدمة الزوج وحتى ماتعرف كويس حقوق الزوج وحقوق الزوجه يعني داخله على عالم جديد ماتعرف وش لها ووش عليها..

بالعربي ماتعرف كيف حق الزوج الصحيح يعني تلقاها تنام وتطنشه تقول هو يصلح له اكل انا مو خدامه<--- جمله قالتها بنت متزوجه عمرها 18 !!

لكن البنت اللي بالعشرينات ولابالثلاثينات تكون فاهمه اهمية الزواج وعارفه حق الزوج وتعرف كويس انها لو ما وفرت له اللي يحتاجه ممكن يتزوج عليها مثلا!!

يعني تعرف ان الزوج لما كلف نفسه هالمصاريف والمسؤوليات بالزواج يتوقع انه يلقا الراحه والخدمه وهالشي مايوصل لعقل البنت اللي بالعمر الصغير بالذات بهالزمن صارت البنت اللي عمرها 18 كنها طفلة مو مراهقه وبس بسبب طريقة التربيه وتدليل الامهات لبناتهم..

يعني البنت تحتاج سنين عشان تنضج وتستوعب ايش يعني زواج ومسؤولية وتكون حريصه اكثر على الحفاظ على بيتها..