اخوي انا اوافق اختي فيافي في عدم التحدث امك لأمها

لكن اخوي الموضوع جدا سهل وبسيط

مادامكم مقتنعين في بعض من اول وهي حبتك

كلمه شوي من هنا ومن هنا

لمح لها بكل هدوء ومن غير تعصب

اهديلها الهديه عبايا

قولها حبيبتي اخاف عليك من عيون الناس

انت جوهرتي وانت لؤلؤتي وانت

وحاول تقنعها وبالسياسه بتوافق وتغير عباياتها



ولاتستعجل ولاتتسرع وبعدها تندم

مادامها بنت ناس ومحترمه ومتربيه لاتخاف عليها




وبيني وبينك يعني مين هم اللي يقولوا عنها انها تلبس عبايه على الخصر

المفروض تسدها بوجهم ولاتسمح لهم انهم يتكلموا عنها قولهم بكيفي ان شاء الله تطلع عريانه انا واثق فيها

وتأكد ماحد بيتكلم عليها بعد كذا لما يشوفك سماع يطلعوا كلام ماله داعي ويخلوها تنقص بعينك وهي المسكينه ماهي داريه انت ليش متغير




دائما خليك واثق بزوجتك ولاتسمح لأحد يقول عنها شي

وتأكد انها بتتغير للأحسن بحسن استماعك وتوجيهك وحنيتك وعطفك عليها وثقتك فيها

حتقول هي زوجي طيب وحنون عليه ومادام هذا اللي مضايقه اتغير عشانه المهم ارضيه



توكل على الله اخوي وكلمها بيوم حافل بالضحك والسواليف والدلع والرومنسيه

وبعدها قولها حبيبتي ابغاك في موضوع مضايقني شوي بس لاتزعلي

وافتح معاها الموضوع بقصه صغيره

بس انتبه لاتقول لها قالوا وقالوا

كأنك موداري قولها حبيبتي اليوم دخلت محل كذا وكذا ولقيت اثنين متزوجين

عقبالنا ياحبيبتي نطلع مع بعض ونتقضى
بس في شي لفت انتباهي غصب عني

تصدقي ولاماتصدقي

الحرمه لابسه عبايا مخصره وتفاصيل جسمها باينه وتعوذت من الشيطان وبعدت عنهم خساره كل الناس اخذت ذنبهم ايش ربي محملها هي ناقصه ذنوب


انت ايش رايك يافلانه مواحلا البنت تكون عبايتها واسعه شوي ومايبان منها شي



وهكذا شوف رأيها .

واكيد بتعلق شوي او انها تسكت من نفسها بتحس

وبعدها بفتره حاول تعرف مقاس عبايتها وروح اشتري لها وحده فخمه من القماش الغالي وغلفه تغليفه حلوه وارسله لها


ويارب يألف بين قلوبكم ويريح بالك ويسخرلك الزوجه الصالحه

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا